റോഡിൽ കോൺക്രിറ്റ് ചെയ്ത് കുഴിയടച്ചെങ്കിലും മാസം പിന്നിട്ടപ്പഴേക്കും പഴയ സ്ഥിതിയിലേക്കെത്തുന്നു

കോതമംഗലം: ചേലാട്- മാലിപ്പാറ റോഡിൽ കോൺക്രിറ്റ് ചെയ്ത് കുഴിയടച്ചെങ്കിലും മാസം പിന്നിട്ടപ്പഴേക്കും കോൺക്രിറ്റ് വെള്ളത്തിൽ ഒലിച്ച് ഗട്ടറുകൾ വീണ്ടും പൂപപ്പെട്ടു തുടങ്ങി. വാട്ടര്‍ അതോറിറ്റി പൈപ്പ് ലൈന്‍ സ്ഥാപിച്ചതിനേതുടര്‍ന്ന്് ചേലാട്-മാലിപ്പാറ റോഡ് വ്യാപകമായി തകര്‍ന്നിരുന്നു.റോഡിലെ യാത്ര ദുഷ്‌കരമാകുകയും ചെയ്തു.ഇതേതുടര്‍ന്നാണ് കോണ്‍ക്രീറ്റ് ചെയ്ത് കുഴികളെല്ലാം മൂടിയത്.എന്നാല്‍ ഈ കുഴിയടക്കല്‍ വെറും പ്രഹസനമായി മാറിയതാണ് മാസങ്ങള്‍ക്കിപ്പുറത്തെ കാഴ്ച.കോണ്‍ക്രീറ്റ്്മഴവെള്ളത്തില്‍ ഒലിച്ചുപോയി പഴയപോലെ കുഴികള്‍ രൂപപ്പെട്ടുതുടങ്ങി.സിമന്റ് മിശ്രിതത്തിലെ മെറ്റല്‍മാത്രമാണ് പലയിടത്തും അവശേഷിക്കുന്നത്.ലക്ഷങ്ങള്‍ ചെലവഴിച്ച് നടത്തിയ കോണ്‍ക്രീറ്റിംഗ് ആണ് ഈ അവസ്ഥയിലെത്തിയത്.മഴക്കാലം ആരംഭിച്ചതിനൊപ്പമായിരുന്നു കോണ്‍ക്രീറ്റിംഗ്.ഇത് ഉറപ്പിനെ ബാധിച്ചു.മറ്റ് അപാകതകളും അശാസ്ത്രീയതയും തകര്‍ച്ചക്ക് കാറണമായെന്നാണ് ചൂണ്ടികാണിക്കപ്പെടുന്നത്.റോഡിന്റെ റീട്ടാറിംഗിനുള്ള ഫണ്ട് വാങ്ങിയശേഷമാണ് പൊതുമരാമത്ത് വകുപ്പ് റോഡ് കുഴിക്കാന്‍ വാട്ടര്‍ അതോറിറ്റിക്ക് അനുമതി നല്‍കിയത്.എന്നാല്‍ പൈപ്പ്‌ലൈനിന്റെ പണി കഴിഞ്ഞശേഷവും ടാറിംഗ് നടത്താന്‍ പൊതുമരാമത്ത് വകുപ്പ് തയ്യാറായിരുന്നില്ല.ഇപ്പോള്‍ ടാറിംഗിന് ടെണ്ടര്‍നല്‍കിയശേഷമാണ്  കോണ്‍ക്രീറ്റിംഗ് നടത്തിയത്.ടാറിംഗ് നടക്കുന്നതോടെ കോണ്‍ക്രീറ്റ് ചെയ്തഭാഗം മൂടിപോകുമെന്നതിനാല്‍ ഉത്തരവാദിത്വപ്പെട്ടവര്‍ക്ക് ചോദ്യങ്ങളില്‍നിന്ന് രക്ഷപ്പെടാനാകു മെന്നതാകാം അവശ്യത്തിന് അസംസ്കൃത വസ്തുക്കൾ ചേർക്കാത്തതെന്നും ആക്ഷേപമുയർന്നിട്ടുണ്ട്.