കോതമംഗലം: എല്ഡിഎഫിന്റെ കലാശക്കൊട്ട് സ്ഥാനാർത്ഥി ജോയ്സ് ജോർജിൻ്റെ അഭാവത്തിലും
ആവേശമായി. കോഴിപ്പിള്ളിയില് നിന്നും ആൻ്റണി ജോൺ എം എൽ എ യുടെയും എൽ ഡി എഫ് നേതാക്കളുടെയും നേത്യത്വത്തിൽ പ്രകടനത്തോടെയായിരുന്നു തുടക്കം.ഘടകകക്ഷി നേതാക്കള് നേതൃത്വം നല്കി.പോസ്റ്റ് ഓഫിസ് ജംഗ്ഷനിലാണ് എല്ഡിഎഫിന് അനുവദിച്ചിരുന്നത്.
നേതാക്കളും പ്രവര്ത്തകരും അവിടെ കേന്ദ്രീകരിച്ചു.സ്ഥാനാര്ത്ഥിയുടെ അഭാവം ആവേശം ചോര്ത്തിയതുമില്ല.കട്ടപ്പനയില് പാര്ലമെന്റ്മണ്ഡലംതല കലാശക്കൊട്ടിലാണ് ജോയ്സ് ജോര്ജ് പങ്കെടുത്തത്.വാദ്യമേളങ്ങളും നാടന് കലാരൂപങ്ങളും കൊട്ടികലാശത്തിന് പൊലിമയേകി.
