കോതമംഗലം: കനത്ത മഴയിൽ അംബികാപുരം സെൻ്റ് മേരീസ് പള്ളിയുടെ മുൻവശത്തെ ഉയരം കൂടിയ കരിങ്കൽ കെട്ടിൽ വിള്ളൽ വീണു. കെട്ടിനോട് ചേർന്ന് സ്ഥാപിച്ചിട്ടുള്ള ട്രാൻസ്ഫോർമർ കനത്ത അപകട ഭീഷണിയായിരിക്കുകയാണ്.
ഏകദേശം ഇരുപത്തി അഞ്ച് അടി ഉയരം വരുന്ന കരിങ്കൽ കെട്ട് ഇടിഞ്ഞ് വീണാൽ ട്രാൻസ്പോർമർ തകർന്ന് അപകടം ഉണ്ടാകാൻ സാധ്യതയുണ്ട്. ഇതിനോട് ചേർന്ന് ബസ് സ്റ്റോപ്പും തിരക്കള്ള റോഡും സ്ഥിതി ചെയ്യുന്നുണ്ട്. ട്രാൻസ്ഫോർമർ എത്രയും പെട്ടന്ന് സൗകര്യപ്രദമായ മറ്റൊരു സ്ഥലത്തേക്ക് മാറ്റി സ്ഥാപിക്കണമെന്ന് പ്രദേശവാസികൾ ആവശ്യപ്പെട്ടു.
