കോതമംഗലം : ഇത്തവണത്തെ എസ് എസ് എൽ സി പരീക്ഷയിൽ കോതമംഗലം വിദ്യാഭ്യാസ ഉപജില്ലയിൽ ഫുൾ A പ്ലസ് നേടിയ സ്കൂളുകളിലെ കുട്ടികളുടെ ശതമാന കണക്കിൽ ഏറ്റവും ഉയർന്ന വിജയ ശതമാനം കൈവരിച്ച് ഒന്നാം സ്ഥാനം നേടി തൃക്കാരിയൂർ ദേവസ്വം ബോർഡ്‌ ഹൈസ്കൂൾ അഭിമാനമായി. സ്കൂളിന്റെ ചരിത്രത്തിൽ ആദ്യമായാണ് പരീക്ഷ എഴുതിയതിൽ 39 % കുട്ടികളും മുഴുവൻ വിഷയങ്ങളിലും A പ്ലസ് നേടിയത്.
സ്കൂളിൽ പരീക്ഷ എഴുതിയ മുഴുവൻ കുട്ടികളും വിജയിച്ച് ഉന്നത വിജയം കരസ്ഥമാക്കിയപ്പോൾ സ്കൂളിൽ ചരിത്രത്തിലാദ്യമായിട്ടാണ് 14 കുട്ടികൾ മുഴുവൻ വിഷയങ്ങൾക്കും എ പ്ലസ് കരസ്ഥമാക്കിയത് . തികച്ചും ഗ്രാമീണ മേഖലയിൽ സ്ഥിതി ചെയ്യുന്ന ഈ സ്കൂളിൽ സാധാരണക്കാരുടെ മക്കളാണ് ഈ നേട്ടം കൈവരിച്ചത് എന്നുള്ളതും ശ്രദ്ധേയമായി. വിദ്യാർത്ഥികൾക്കും, ഒപ്പം ഈ നേട്ടം കൈവരിക്കാൻ കഠിന പ്രയത്നം ചെയ്ത് കുട്ടികളൊപ്പം നിന്ന അദ്ധ്യാപർക്കും സഹായങ്ങൾ നൽകി കൂടെ നിന്ന പി ടി എ ക്കും നാട്ടുകാരും വിവിധ സാമൂഹ്യ സാംസ്കാരിക സംഘടനകളും അഭിനന്ദനങ്ങൾ അറിയിച്ചു.
