Connect with us

Hi, what are you looking for?

NEWS

വകുപ്പുകൾ തമ്മിൽ യോജിച്ച് പ്രവർത്തിക്കണം: എൽദോസ് കുന്നപ്പള്ളി എംഎൽഎ

പെരുമ്പാവൂർ :പെരുമ്പാവൂർ നിയോജകമണ്ഡലത്തിലെ പൊതുമരാമത്ത് വകുപ്പിന്റെ നിരത്ത് , പാലം ,കെട്ടിടങ്ങൾ ഇവയുമായി ബന്ധപ്പെട്ട പദ്ധതികളിൽ ഇതര വകുപ്പുകളുമായി യോജിച്ച് പ്രവർത്തിക്കുന്നതിനായി എംഎൽഎ ഓഫീസിൽ എൽദോസ് കുന്നപ്പിള്ളി എംഎൽഎയുടെ അധ്യക്ഷതയിൽ യോഗം ചേർന്നു .നാടിൻറെ വികസന പ്രക്രിയ അതിവേഗം നടക്കുന്നതിന് വിവിധ വകുപ്പുകൾ തമ്മിലുള്ള പഴിചാരൽ ആവശ്യമില്ലെന്നും ,വകുപ്പുകൾ തമ്മിൽ ഏകോപിപ്പിച്ചുള്ള പ്രവർത്തനങ്ങളുടെ സത്ഫലം ജനങ്ങൾ നേരിൽ കാണുന്നതാണ് അഭികാമ്യം എന്നും വന്നുചേർന്ന വിവിധ വകുപ്പുകളിലെ ഉദ്യോഗസ്ഥരോട് എംഎൽഎ വ്യക്തമാക്കി .
ഈ വർഷത്തെ ബഡ്ജറ്റ് റോഡ് വർക്കുകൾ ആയ പെരുമ്പാവൂർ കൂവപ്പടി റോഡിൽ വാച്ചാൽപാടം ഭാഗത്തെ എർത്ത് ഫില്ലിംഗ് നടക്കുന്നതായി പിഡബ്ല്യുഡി അസിസ്റ്റൻറ് എക്സിക്യൂട്ടീവ് എഞ്ചിനീയർ ഉഷസ് അറിയിച്ചു .തോട്ടുവാ -നമ്പള്ളി റോഡിന് സാങ്കേതിക അനുമതി ലഭിച്ചതായും ടെൻഡർ നടപടികളിലേക്ക് കടന്നതായും എംഎൽഎ പറഞ്ഞു .
പെരുമ്പാവൂർ രായമംഗലം റോഡ് ശബരിമല ഫെസ്റ്റിവൽ വർക്കിൽ ഉൾപ്പെടുത്തി എസ്റ്റിമേറ്റ് തയ്യാറാക്കി സമർപ്പിച്ചതായി അറിയിച്ചു.

ഓരോ എംഎൽഎമാർക്കും അനുവദിച്ചിട്ടുള്ള നവ കേരള സദസ്സ് ഫണ്ട് ഉപയോഗിച്ച് ഓണം കുളം – ഊട്ടിമറ്റം റോഡിൻറെ നവീകരണത്തിനായി എസ്റ്റിമേറ്റ് തയ്യാറാക്കിയതായും നിലവിലുള്ള റോഡ് മെയിൻറനൻസ് റണ്ണിങ് കോൺടാക്ടിൽ ഉൾപ്പെടുത്തി കേടുപാടുകൾ തീർക്കുമെന്നും എംഎൽഎ അറിയിച്ചു
കുറുപ്പുംപടിയെ കുറിച്ചിലക്കോട് റോഡ് ഈ മാസം ബി എം ആൻ്റ് ബിസി ചെയ്യുമെന്നും , മൂവാറ്റുപുഴ ഒടയ്ക്കാലി വഴി പാണിയിലേക്കുള്ള റോഡ് ടാറിങ് വേലകളിലേക്ക് കടക്കുകയാണെന്നും അവലോകന യോഗത്തേതുടർന്ന് എംഎൽഎ പറഞ്ഞു .
കാലടി പാലത്തിൻറെ ഡിവിഎസ് സബ്മിറ്റ് ചെയ്തതായും , പോണേക്കാവ് പാലത്തിൻറെ റിവൈസ്ഡ് എസ്റ്റിമേറ്റും , പുല്ലു വഴി ഡബിൾ പാലത്തിൻറെ നിർമ്മാണ പ്രവർത്തനങ്ങളും യോഗത്തിൽ ചർച്ച ചെയ്തു .
പുതിയ പാലങ്ങളായ അകനാട് നാലു പാലം നാലരക്കോടി രൂപയുടെ
എസ്റ്റിമേറ്റ് തയ്യാറാക്കി സബ്മിറ്റ് ചെയ്തതായി എംഎൽഎ അറിയിച്ചു
കുറിച്ചിലക്കോട് കവല വല്ലം കവല , ഒക്കൽ കവല എന്നിവിടങ്ങളിലെ പുറമ്പോക്കുകൾ ഒഴിപ്പിച്ച് കവലയുടെ വികസനം ,വാഹനങ്ങളുടെ പാർക്കിംഗ് ഇവ ക്രമീകരിക്കാനുള്ള നടപടികൾ സ്വീകരിക്കുമെന്നും അതിനായി അടിയന്തരമായി സർവ്വേ നടപടികൾ ഉൾപ്പെടെ പൂർത്തിയാക്കുമെന്നും ഭൂരേഖ തഹസിൽദാർ ഉണ്ണികൃഷ്ണൻ വ്യക്തമാക്കി . താലൂക്ക് സർവെയർമാരായ സർവേയർ മാരായ എൽദോസ് , മിനി എന്നിവർ നടപടികൾ വേഗത്തിൽ ആക്കാനുള്ള ശ്രമങ്ങൾ തങ്ങളുടെ ഭാഗത്തുനിന്ന് ഉണ്ടാകുമെന്ന് ഉറപ്പ് നൽകി .ചെറുകുന്നം എസ് വളവ് പുറമ്പോക്കുകൾ കണ്ടെത്താനുള്ള നടപടികൾ ഊർജ്ജമാക്കിയതായും അറിയിച്ചു .
സി എം ഡി ആർ എഫ് യിൽ നിന്ന് എംഎൽഎ ഓഫീസിലൂടെ അഞ്ചു കോടി രൂപ നിർധനരായ ആളുകൾക്ക് വിതരണം ചെയ്യാൻ കഴിഞ്ഞത് റവന്യൂ വകുപ്പിലെ വില്ലേജ് ഓഫീസർമാർ ഉൾപ്പെടെയുള്ളവരുടെ അതിവേഗത്തിലുള്ള ഫയൽ നീക്കത്തിന്റെ ഫലമാണെന്നും വകുപ്പിലെ എല്ലാവരെയും അഭിനന്ദിക്കുകയാണെന്നും എംഎൽഎ യോഗത്തെ അറിയിച്ചു .
ആലുവ മൂന്നാർ റോഡും , കീഴില്ലം പാണിയേലിപ്പോര് റോഡ് , ഹിൽ ഹൈവേ ഇവയുടെ നിർമ്മാണ പുരോഗതി കെ ആർ എഫ് ബി എക്സിക്യൂട്ടീവ് എഞ്ചിനീയർ ജയരാജിന്റെ നേതൃത്വത്തിലുള്ള സംഘം വിലയിരുത്തി .ആലുവ മൂന്നാർ റോഡ് നാലുവരി ആക്കുന്നതിന്റെ അടുത്ത നോട്ടിഫിക്കേഷനിലേക്ക് കടക്കുകയാണെന്നും എംഎൽഎ അറിയിച്ചു .
യോഗത്തിൽ ജലസേചന വകുപ്പിലെയും,വൈദ്യുത വകുപ്പിലെയും , എൻജിനീയർമാരും , പിഡബ്ല്യുഡി പെരുമ്പാവൂർ , കുറുപ്പുംപടി ഡിവിഷനുകളിലെ അസിസ്റ്റൻറ് എൻജിനീയർമാരും ,പോലീസ് ഉദ്യോഗസ്ഥരും യോഗത്തിൽ സംബന്ധിച്ചു .
ഓരോ പദ്ധതിയെക്കുറിച്ചും വളരെ വിശദമായി അവലോകനം ചെയ്തു . വേഗത്തിൽ പദ്ധതികൾ പൂർത്തീകരിക്കുന്നതിന് ആവശ്യമായ എല്ലാ നടപടികളും സ്വീകരിക്കാനുള്ള സമയബന്ധിതമായ നിർദ്ദേശങ്ങൾ അവലോകന യോഗത്തിൽ നൽകിയതായി എൽദോസ് കുന്നപ്പള്ളി എംഎൽഎ അറിയിച്ചു .അടുത്ത മാസവും ഇത്തരത്തിൽ അവലോകന യോഗങ്ങൾ ഉണ്ടാകുമെന്ന് മാധ്യമപ്രവർത്തകരുടെ ചോദ്യത്തിന് ഉത്തരമായി എംഎൽഎ പറഞ്ഞു .

You May Also Like

CHUTTUVATTOM

  മുവാറ്റുപുഴ: 4 -ാം ജെ സി ഐ ഗ്രാമ സ്വരാജ് അവാർഡ് കോതമംഗലം എംഎൽഎ ഷിബു തെക്കുംപുറത്തിന്. നവംബർ 23 ന് വൈകുന്നേരം 5.30ന് മുവാറ്റുപുഴ കബനി പാലസ് ഹോട്ടലിൽ നടക്കുന്ന...

CHUTTUVATTOM

  കോതമംഗലം: രൂപത സോഷ്യൽ സർവീസ് സൊസൈറ്റിയുടെയും സംസ്ഥാന പിന്നോക്ക വിഭാഗ വികസന കോർപ്പറേഷന്റെയും സംയുക്താഭിമുഖ്യത്തിൽ കോതമംഗലം കത്തീഡ്രൽ പാരിഷ് ഹാളിൽ സ്വയംസഹായ സംഘ അംഗങ്ങൾക്ക് സംരംഭകത്വ പരിശീലനം സംഘടിപ്പിച്ചു. മുൻസിപ്പൽ ചെയർപേഴ്സൺ...

CHUTTUVATTOM

  കോതമംഗലം : ബ്ലോക്ക് പഞ്ചായത്തിന്റെ ആഭിമുഖ്യത്തില്‍ ബ്ലോക്ക് പരിധിയിലുള്ള ഭിന്നശേഷിക്കാരുടെ മാനസിക ഉല്ലാസത്തിനായി ഭിന്നശേഷി കലോത്സവം സംഘടിപ്പിച്ചു. ഡീന്‍ കുര്യാക്കോസ് എംപി ഉദ്ഘാടനം ചെയ്തു. ബ്ലോക്ക് പഞ്ചായത്ത് പ്രസിഡന്റ് ജെസി സാജു...

CHUTTUVATTOM

  കോതമംഗലം: ജന്തർ മന്തറിൽ കോൺഗ്രസും സഖ്യകക്ഷികളും വോട്ടുകൊള്ളക്കെതിരെയും, ഇന്ത്യയുടെ മതേതരത്വം നിലനിർത്താനും നടത്തുന്ന സമരത്തിന് ഐക്യദാർഢ്യം പ്രഖ്യാപിച്ചും, കഴിഞ്ഞ ആറു മാസക്കാലത്തെ മുഖ്യമന്ത്രി വി. ഡി സതീശന്റെ നേതൃത്വത്തിലുള്ള യുഡിഎഫ് സർക്കാരിൻറെ...

CHUTTUVATTOM

  കോതമംഗലം: സെന്റ് ജോർജ് ഹയർ സെക്കൻഡറി സ്കൂളിലെ സ്കൗട്ട് റോവർ, റേഞ്ചർ യൂണിറ്റുകളുടെ ആഭിമുഖ്യത്തിൽ ട്രാഫിക് ബോധവത്കരണ ക്ലാസ് സംഘടിപ്പിച്ചു. സ്കൂൾ പ്രിൻസിപ്പൽ ജയിൻ ജോസ് ഉദ്ഘാടനം ചെയ്തു. കോതമംഗലം ട്രാഫിക്...

CRIME

കോതമംഗലം: യുവാവിനെ ആക്രമിച്ച് പരിക്കേല്‍പ്പിച്ച കേസില്‍ ഒളിവില്‍ കഴിഞ്ഞപ്രതി അറസ്റ്റില്‍. ഇരമല്ലൂര്‍ കുറ്റിലഞ്ഞി പുതുപ്പാലം ഏരംതുരുത്തില്‍ ഫസല്‍ മെഹബൂബ് (30) നെയാണ് കോതമംഗലം പോലീസ് അറസ്റ്റ് ചെയ്തത്. കഴിഞ്ഞ സെപ്റ്റംബറില്‍ പുതുപ്പാലം ഭാഗത്തുള്ള...

CHUTTUVATTOM

കോതമംഗലം: ഏഴു വയസ്സുകാരിയെ ലൈംഗികമായി ഉപദ്രവിച്ച കേസിൽ ഇതര സംസ്ഥാന തൊഴിലാളി അറസ്‌റ്റിൽ . ഉത്തർപ്രദേശ് ഗഗൽഹരി സ്വദേശി ആജം (24) നെയാണ് കോതമംഗലം പോലീസ് അറസ്റ്റ് ചെയ്തത്. ഇൻസ്പെക്ടർ പി.ജെ.കുര്യാക്കോസിൻ്റെ നേതൃത്വത്തിലുള്ള...

CHUTTUVATTOM

  പെരുമ്പാവൂര്‍: നഗരഹൃദയത്തില്‍ ഏറ്റവും തിരക്കേറിയ ഭാഗത്ത് ആലുവ-മൂന്നാര്‍ റോഡരികിലുള്ള യാത്രിനിവാസ് ബസ് ഷെല്‍ട്ടറിലെ ശുചിമുറി മാസങ്ങളായി അടഞ്ഞുകിടക്കുന്നു. ബസ് കാത്തുനില്‍ക്കുന്നവര്‍ക്ക് പ്രാഥമികാവശ്യങ്ങള്‍ക്കുപോലും ഇടമില്ല. ശുചിമുറി പൂട്ടിയതോടെ ചിലര്‍ ശുചിമുറിയിലേക്കുള്ള വഴിയും, വ്യാപാര...

ACCIDENT

പെരുമ്പാവൂര്‍: പ്ലൈവുഡ് കമ്പനിയിലെ ഡ്രയര്‍ ബെല്‍റ്റില്‍ കുടുങ്ങി ഇതരസംസ്ഥാന തൊഴിലാളി ദമ്പതികളുടെ നാലുവയസ്സുള്ള ആണ്‍കുഞ്ഞിന് ദാരുണാന്ത്യം. വെസ്റ്റ് ബംഗാള്‍ സ്വദേശി നൂര്‍ ജമാല്‍ ഷെയ്ഖ്‌നൂറിമ കാത്തുന്‍ ദമ്പതികളുടെ മകന്‍ മെറാജ് ഷെയ്ഖാണ് മരിച്ചത്....

CRIME

മൂവാറ്റുപുഴ: അച്ഛന്‍ രോഗ ബാധിതനായതോടെ അമ്മ ഉപേക്ഷിച്ചുപോയ പ്രായപൂര്‍ത്തിയാകാത്ത പെണ്‍കുട്ടിയുടെ രക്ഷാകര്‍ത്താവ് ചമഞ്ഞ് 5 വര്‍ഷത്തോളം തുടര്‍ച്ചയായി ലൈംഗിക ചൂഷണത്തിനിരയാക്കിയ പ്രതിക്ക് 116 വര്‍ഷം കഠിനതടവും 6.85 ലക്ഷം രൂപ പിഴയും ശിക്ഷവിധിച്ച്...

NEWS

കളമശ്ശേരി: സർക്കാർ പോളിടെക്നിക് കോളേജിൽ ദിവസവേതന അടിസ്ഥാനത്തിൽ താൽക്കാലികമായി ഇലക്ട്രീഷ്യനെ നിയമിക്കുന്നു. അംഗീകൃത സ്ഥാപനത്തിൽനിന്ന് ഐ.ടി.ഐ/കെ.ജി.സി.ഇ (ഇലക്ട്രീഷ്യൻ/വയർമെൻ/ലൈൻമെൻ) ട്രേഡിൽ യോഗ്യത നേടിയവർക്കും ഇലക്ട്രിക്കൽ ഇൻസ്റ്റലേഷൻ ആൻഡ് മെയിന്റനൻസ് മേഖലയിൽ പ്രവൃത്തിപരിചയമുള്ളവർക്കും അപേക്ഷിക്കാം. താൽപര്യമുള്ള...

CHUTTUVATTOM

  കോതമംഗലം: കോൺഗ്രസ് കോതമംഗലം ബ്ലോക്ക് കമ്മിറ്റിയുടെ നേതൃത്വത്തിൽ മുൻ പ്രധാനമന്ത്രി ഇന്ദിരാഗാന്ധിയുടെ 109 -ാം ജന്മദിന ആഘോഷം നടത്തി.ബ്ലോക്ക് പ്രസിഡന്റ് ഷമീർ പനക്കൽ ഉദ്ഘാടനം ചെയ്തു.മണ്ഡലം പ്രസിഡന്റ് പി.ആർ അജി അധ്യക്ഷത...

error: Content is protected !!