കോതമംഗലം: കൊതുക് വ്യാപനം ശക്തമായതോടെ താലൂക്കിലെ പല ഭാഗങ്ങളിലും ഡെങ്കിപ്പനി പടരുന്നു. കുട്ടമ്പുഴ പഞ്ചായത്തിലെ കുഞ്ചിപ്പാറ ആദിവാസി ഉന്നതിയില് ഡെങ്കിപ്പനി സ്ഥിരീകരിച്ചതായി അധികൃതര് അറിയിച്ചു. ഏതാനും പേര് കോതമംഗലം താലൂക്ക് ആശുപത്രിയില് ചികിത്സയിലുണ്ട്.
പോത്താനിക്കാട് പഞ്ചായത്തിലെ പുളിന്താനത്തും ഡെങ്കിപ്പനി പടര്ന്നുപിടിച്ചിട്ടുണ്ട്. ഏതാനും പേര് വിവിധ ആശുപത്രികളില് ചികിത്സയിലാണ്. ഈ പ്രദേശങ്ങളില് ഫോഗിംഗ് ഉള്പ്പടെയുള്ള പ്രതിരോധ പ്രവര്ത്തനങ്ങള്ക്ക് തുടക്കമിട്ടിട്ടുണ്ട്. താലൂക്കിലെ മറ്റ് പ്രദേശങ്ങളും ഡെങ്കിപ്പനി വ്യാപന ഭീക്ഷണി നിലനില്ക്കുകയാണ്.
ഡെങ്കിപ്പനി പടര്ത്തുന്ന ഈഡിസ് കൊതുകുകള് പെരുകുന്നതാണ് പ്രശ്നമാകുന്നത്. തെളിഞ്ഞ വെള്ളത്തിലാണ് പ്രധാനമായും ഈഡിസ് കൊതുകുകള് മുട്ടയിട്ട് പെരുകുന്നത്. വെള്ളം കെട്ടികിടക്കാനുള്ള സാഹചര്യങ്ങള് പൂര്ണമായും ഒഴിവാക്കണമെന്നാണ് ആരോഗ്യ പ്രവര്ത്തകരുടെ നിര്ദേശം.
