കോതമംഗലം: ജനപങ്കാളിത്തം കൊണ്ട് ഡീന്‍ കുര്യാക്കോസിന്റെ കോതമംഗലം നിയോജകമണ്ഡലത്തിലെ ആദ്യ ദിന സ്വീകരണ പര്യടനം ശ്രദ്ധേയമായി. പിണ്ടിമന പഞ്ചായത്തിലെ ആയക്കാട് തൈക്കാവുംപടിയില്‍ നിന്നുമാണ് ഇന്നലെ രാവിലെ പര്യടനം ആരംഭിച്ചത്.കെ.പി.സി.സി.വൈസ് പ്രസിഡന്റ് വി.റ്റി.ബല്‍റാം സ്വീകരണപരിപാടിയുടെ ഉദ്ഘാടനം നിര്‍വഹിച്ചു.ഡീന്‍ കുര്യാക്കോസിനെ കഴിഞ്ഞതവണത്തേക്കാള്‍ വര്‍ദ്ധിച്ച ഭൂരിപക്ഷത്തില്‍ വീണ്ടും വിജയിപ്പിക്കുമെന്ന് ബൽറാം പറഞ്ഞു.വിവിധ വിഭാഗങ്ങളില്‍പ്പെട്ടവര്‍ സ്ഥാനാര്‍ത്ഥിയെ മാലയും ഷാളും അണിയിച്ച് സ്വീകരിച്ചു.തെരഞ്ഞെടുപ്പ് കമ്മറ്റി ചെയര്‍മാന്‍ ഷിബു തെക്കുംപുറം അദ്യക്ഷത വഹിച്ചു.
റ്റി.യു.കുരുവിള,കെ.പി.ബാബു,പി.പി.ഉതുപ്പാന്‍,അബു മെ്ായ്തീന്‍,ഷമീര്‍ പനക്കല്‍,ബാബു ഏലിയാസ്,പി.കെ.മൊയ്തു,എം.എസ്.എല്‍ദോസ്,എബി എബ്രാഹം,എ.റ്റി.പൗലോസ്,അനൂപ് ഇട്ടന്‍,സിജു എബ്രാഹം,ജസി സാജു,റാണിക്കുട്ടി ജോര്‍ജ്,നോബിള്‍ ജോസഫ്,സീതി മുഹമ്മദ്,റ്റി.എ.ഷൗക്കത്തലി,സൈജന്റ് ചാക്കോ,സത്താര്‍ വട്ടക്കുടി,എം.വി.റെജി,ചന്ദ്രലേഖ ശശിധരന്‍,തുടങ്ങി വിവിധ നേതാക്കള്‍ ഉദ്ഘാടനചടങ്ങില്‍ പങ്കെടുത്തു.സ്ഥാനാര്‍ത്ഥി മറുപടി പ്രസംഗങ്ങളും നടത്തി.അയിരൂര്‍പ്പാടത്താണ് രണ്ടാമത്തെ സ്വീകരണം നടന്നത്.തുടര്‍ന്ന് പിണ്ടിമന മറ്റ് വിവിധ കേന്ദ്രങ്ങളിലും കീരമ്പാറ,കുട്ടമ്പുഴ,കവളങ്ങാട്,പഞ്ചായത്തുകളിലും സ്ഥാനാര്‍ത്ഥി പര്യടനം നടത്തി.
