കോതമംഗലം: പാർടിക്കും സംസ്ഥാന സർക്കാരിനും മുഖ്യമന്ത്രിക്കും എതിരായ കള്ള പ്രചാരണങ്ങൾ തള്ളിക്കളയുക ,വര്‍ഗീയതയ്ക്കെതിരെ അണിചേരുക എന്നീ മുദ്രാവാക്യങ്ങളുയര്‍ത്തി സിപിഐ എം ജില്ലാ സെക്രട്ടറിയറ്റംഗം ആർ അനിൽ കുമാറിന് നയിക്കുന്ന
സിപിഐ എം കോതമംഗലം ഏരിയ വാഹന പ്രചാരണ ജാഥക്ക് ഉജ്ജല സമാപനം. ഇരുചക്രവാഹനങ്ങളുടെ അകമ്പടിയോടെ വിവിധ മേഖലകളിൽ നൂറ് കണക്കിന് പ്രവർത്തകർ പങ്കെടുത്ത സ്വീകരണത്തിന് നെല്ലിക്കുഴിയിൽ കുറ്റിലിഞ്ഞിയിൽ പ്രൗഡ ഗംഭീര തുടക്കമായിരുന്നു.
വ്യാഴം രാവിലെ ജാഥ ഏരിയ കമ്മറ്റിയംഗം കെ പി ജയകുമാർ ഉദ്ഘാടനം ചെയ്തു. കെ എം ബഷീർ അധ്യക്ഷനായി.
ജാഥാ ക്യാപ്റ്റൻ ആർ അനിൽ കുമാർ,ഏരിയ സെക്രട്ടറി കെ എ ജോയി .ഏരിയ കമ്മറ്റിയംഗങ്ങളായ കെ കെ ശിവൻ ,കെ എം പരീത് , സഹിർ കോട്ടപ്പറമ്പിൽ എന്നിവർ സംസാരിച്ചു .കെ എ ജിതേഷ് സ്വാഗതവും പി കെ റഷീദ് നന്ദിയും പറഞ്ഞു.
ചെറുവട്ടൂർ ,സബ് സ്റ്റേഷൻ പടി ,കോതമംഗലം ടൗൺ ,മലയൻകീഴ് എന്നിവിടങ്ങളിൽ പര്യടനം നടത്തി അയ്യൻകാവ് സമാപിച്ചു . ഏരിയ കമ്മറ്റിയംഗങ്ങളായ കെ ജി ചന്ദ്രബോസ് ,സി പി എസ് ബാലൻ , കെ പി മോഹനൻ ,പി എം അഷറഫ് , സാബു വർഗീസ് , റഷീദ സലീം ,കെ പി ജയകുമാർ, ആദർശ് കുര്യാക്കോസ് എന്നിവർ വിവിധ കേന്ദ്രങ്ങളിൽ
സംസാരിച്ചു. സമാപന സമ്മേളനം സംസ്ഥാന സമിതിയംഗം എസ് ശർമ ഉദ്ഘാടനം ചെയ്തു. വി എം ബിജുകുമാർ അധ്യക്ഷനായി.
ജാഥാ ക്യാപ്റ്റൻ ആർ അനിൽ കുമാർ,ഏരിയ സെക്രട്ടറി കെ എ ജോയി എന്നിവർ സംസാരിച്ചു. ലോക്കൽ സെക്രട്ടറി ഇ വി രാധാകൃഷ്ണൻ സ്വാഗതവും ലോക്കൽ കമ്മറ്റിയംഗം കെ ജെ ജോർജ് നന്ദിയും പറഞ്ഞു.
ഫോട്ടോ : അയ്യൻകാവിൽ നടന്ന സിപിഐ എം കോതമംഗലം ഏരിയ ജാഥയുടെ സമാപന സമ്മേളനം സംസ്ഥാന കമ്മിറ്റി അംഗം എസ് ശർമ ഉദ്ഘാടനം ചെയ്യുന്നു.
