കോതമംഗലം: വാരപ്പെട്ടി ആയുർവേദ പ്രൈമറി ഹെൽത്ത് സെൻ്റർ വയോജനങ്ങൾക്കുള്ള സൗജന്യ ആയുർവേദ മെഡിക്കൽ ക്യാമ്പ് നടത്തി.
മൈലൂർ സ്കൂളിൽ നടത്തിയ ക്യാമ്പ് പഞ്ചായത്ത് പ്രസിഡന്റ് പി കെ ചന്ദ്രശേഖരൻ നായർ ഉദ്ഘാടനം ചെയ്തു. പഞ്ചായത്ത് വൈസ് പ്രസിഡന്റ് ബിന്ദു ശശി അധ്യക്ഷത വഹിച്ചു. വാരപ്പെട്ടി ആയുർവേദ മെഡിക്കൽ ഓഫീസർ ഡോക്ടർ ധന്യ വേലായുധൻ ക്ലാസ് എടുത്തു.
ആയുർവേദ ഡോക്ടർമാരായ ഡോ. ലക്ഷ്മി പദ്മനാഭൻ, ഡോ. രേവതി പ്രസാദ് എന്നിവർ ക്യാമ്പിനു നേത്രത്വം വഹിച്ചു. ക്യാമ്പിൽ പരിശോധനയും സൗജന്യമായി മരുന്നുകളും വിതരണം നടത്തി. പഞ്ചായത്ത് സ്ഥിരം സമിതി അധ്യക്ഷന്മാരായ കെ എം സെയ്ത്, ദീപ ഷാജു, എം എസ് ബെന്നി, പഞ്ചായത്ത് അംഗങ്ങളായ കെ കെ ഹുസൈൻ, ഷജി ബെസി,, പഞ്ചായത്തിലെ ആശ വർക്കർമാർ എന്നിവർ പങ്കെടുത്തു.
