കോതമംഗലം: 2025-ഓടെ അതിദരിദർ ഇല്ലാത്ത പഞ്ചായത്തായി പ്രഖ്യാപിക്കുന്നതിന്റെ ഭാഗമായി
വാരപ്പെട്ടി സി എച്ച് സി ൽ മെഡിക്കൽ ക്യാമ്പ് നടത്തി.
വാരപ്പെട്ടി പഞ്ചായത്ത് പ്രസിഡന്റ് പി കെ ചന്ദ്രശേഖരൻ നായർ ഉദ്ഘാടനം നിർവഹിച്ചു. പഞ്ചായത്ത് വൈസ് പ്രസിഡന്റ് ബിന്ദു ശശി അധ്യക്ഷത വഹിച്ചു. മെഡിക്കൽ ഓഫീസറായ ഡോ. അനില ബേബിയുടെ നേത്രത്വത്തിൽ രോഗികളെ പരിശോധന നടത്തുകയും മരുന്നുകൾ വിതരണം ചെയ്യുകയും ചെയ്തു.
പഞ്ചായത്ത് സ്ഥിരം സമിതി അധ്യക്ഷന്മാരായ കെ എം സെയ്ത്, ദീപ ഷാജു, പഞ്ചായത്ത് അംഗങ്ങളായ കെ കെ ഹുസൈൻ, പ്രിയ സന്തോഷ്, ഷജി ബെസി, ഹെൽത്ത് സൂപ്പർവൈസർ കെ ആർ സുഗുണൻ എന്നിവർ പങ്കെടുത്തു.
