കോതമംഗലം: എസ്.ഐ.ഷാജി പോളിനെ കാണാതായതായി പരാതി. പൈങ്ങോട്ടൂർ ചാത്തമറ്റം സ്വദേശിയായ
ഷാജി പോളിനെ ഇന്നലെ മുതലാണ് (ഏപ്രിൽ 30)കാണാതായതെന്ന് ഭാര്യ ഷേർളി പോത്താനിക്കാട് സ്റ്റേഷനിൽ നൽകിയ പരാതിയിൽ പറയുന്നു.അമിതമായ ജോലിഭാരംമൂലം എസ്.ഐ.ഷാജി മാനസികമായി
വളരെ അസ്വസ്ഥനായിരുന്നുവെന്നും അതുമായി ബന്ധപ്പെട്ട് ആത്മഹത്യാകുറിപ്പ് എഴുതിവച്ചശേഷം
വീട്ടിൽനിന്നും പോയെന്നാണ് സൂചന. ഭാര്യയുടെ പരാതിയിൽ വിശദമായ അന്വേഷണമാണ് നടന്നു വരുന്നത്.
അതേസമയം, പോലീസ് സൈബർ സെൽ ഷാജി പോളിൻ്റെ ഫോൺ നമ്പർ പിന്തുടർന്ന് നടത്തിയ ഊർജ്ജിത അന്വേഷണത്തിൽ തൊടുപുഴഭാഗത്ത് ടവർ ലൊക്കേഷൻ കാണിച്ചതായി അറിയുന്നു.അതിനാൽ കോതമംഗലം
സബ്ബ് ഇൻസ്പെക്ടർ ഷാജി പോളിന് അത്യാഹിതങ്ങളൊന്നും സംഭവിച്ചിട്ടില്ലാ എന്ന ശുഭാപ്തിവിശ്വാസത്തിലാണ്
ഇപ്പോൾ അന്വേഷണസംഘമുള്ളത്.
