സമാനതകളില്ലാത്ത ദുരന്തം നേരിട്ട വയനാട്ടിലെ ജനതയ്ക്ക് കൈത്താങ്ങ് ആകുവാൻ പിണ്ടിമന സ്കൂളിലെ കുട്ടികൾ തങ്ങളുടെ കുഞ്ഞു സമ്പാദ്യം ചേർത്തുവെച്ച് 13080/ രൂപ മുഖ്യമന്ത്രിയുടെ ദുരിതാശ്വാസനിധിയിലേക്ക് സംഭാവന നൽകി മാതൃകയായി. കോതമംഗലം എംഎൽഎ ആന്റണി ജോൺ സർക്കാരിനു വേണ്ടി തുക ഏറ്റുവാങ്ങി.സ്കൂൾ അങ്കണത്തിൽചേർന്ന ലളിതമായ ചടങ്ങിൽ സ്കൂൾ ലീഡർമാരായ സാവൻ സന്തോഷ്, വൈഗ അനൂപ് എന്നിവർ ചേർന്ന് തുക അദ്ദേഹത്തിന് കൈമാറി.
ദുരിതമനുഭവിക്കുന്നവരെ ചേർത്തുനിർത്താൻ കുട്ടികൾ കാണിച്ച നല്ല മനസ്സിനെ എംഎൽഎ അഭിനന്ദിച്ചു.നാടിന്റെ പുന സൃഷ്ടിക്കായി എല്ലാവരും ഒത്തൊരുമിച്ച് ശ്രമിക്കുന്ന ഈ വേളയിൽ അതിനൊപ്പം പങ്കുചേരാൻ കഴിഞ്ഞതിൽ ഓരോരുത്തരും അഭിമാനിക്കണമെന്നും ഭാവിയിലും ഈ സേവന മനോഭാവം കൈവിടാതെ സൂക്ഷിക്കണം എന്നും എംഎൽഎ ഓർമ്മിപ്പിച്ചു. സർക്കാർ നിർദേശാനുസരണം സ്കൂളിലെ മുഴുവൻ അധ്യാപകരും ജീവനക്കാരും അഞ്ചു ദിവസത്തെ ശമ്പളം മുഖ്യമന്ത്രിയുടെ ദുരിതാശാസ നിധിയിലേക്ക് നേരത്തെ കൈമാറിയിരുന്നു.
സ്കൂൾ എച്ച് എം ലിജി വി പോൾ, SMC ചെയർമാൻ അനീഷ് തങ്കപ്പൻ അധ്യാപകർ വിദ്യാർത്ഥികൾ എന്നിവർ പങ്കെടുത്തു.
