കന്നി മത്സരത്തിൽ ഭരതനാട്യത്തിൽ ഒന്നാംസ്ഥാനവുമായി ശബരി

കോതമംഗലം: കന്നി മത്സരത്തിൽ ഭരതനാട്യത്തിൽ ഒന്നാംസ്ഥാനവുമായി ശബരി. സെൻട്രൽ കേരള സഹോദയ സിബിഎസ്ഇ. കലോത്സവത്തിൽ ആൺ കുട്ടികളുടെ ഭരതനാട്യത്തിൽ വാശിയേറിയ മത്സരത്തിൽ ഒന്നാംസ്ഥാനം നേടി കോതമംഗലം ശോഭന പബ്ലിക് സ്കൂൾ വിദ്യാർഥി ശബരി ബിജു. മോഹനം രാഗത്തിൽ ആദി താളത്തിലുള്ള മോഹന കൃഷ്ണ എന്ന് തുടങ്ങുന്ന പദവർണം ആണ് ശബരി ആടിയത്.

ഗുരു ബിനീഷ് മേനോന്റെ കീഴിൽ ഭാരതനാട്യം അഭ്യസിക്കുന്ന ശബരിയുടെ കന്നിമത്സരം ആണിത്. കോതമംഗലം സ്വദേശികളായ ബിജുവിന്റെയും ദിവ്യയുടെയും മകനാണ് എട്ടാം ക്ലാസുകാരനായ ശബരി.