നേര്യമംഗലം: മധ്യവയസ്‌കനെ വെട്ടി കൊലപ്പെടുത്താന്‍ ശ്രമിച്ച കേസിലെ പ്രതി അറസ്റ്റില്‍. നേര്യമംഗലം, പിറക്കുന്നം, ഇഞ്ചിപ്പാറ പാലമൂട്ടില്‍ ഷാജി (52) യെയാണ് ഊന്നുകല്‍ പോലീസ് അറസ്റ്റ് ചെയ്തത്. നേര്യമംഗലം സ്വദേശി ജോര്‍ജിനെയാണ് പ്രതി ആക്രമിച്ചത്. തിങ്കളാഴ്ച വൈകിട്ട് 8ഓടെ തലക്കോട് മുള്ളരിങ്ങാട് കവലയിലാണ് സംഭവം. സംസാരിച്ച് നില്‍ക്കുകയായിരുന്ന ജോര്‍ജിനെ കൈയ്യില്‍ കരുതിയിരുന്ന വാക്കത്തി കൊണ്ട് പ്രതി ആക്രമിക്കുകയായിരുന്നു. തുടര്‍ന്ന് ബൈക്ക് തീവെച്ച് നശിപ്പിക്കുകയും ചെയ്തു. മുന്‍ വൈരാഗ്യമാണ് സംഭവത്തിന് പിന്നില്‍. അന്വഷണ സംഘത്തില്‍ ഇന്‍സ്‌പെക്ടര്‍ രതീഷ് ഗോപാല്‍, എസ് ഐ കെ.പി.സിദ്ദിഖ്, എ എസ് ഐ പി.എ.സുധീഷ്, എസ് സി പി ഒ എന്‍.നിഷാന്ത് കുമാര്‍, എ.പി.ഷിനോജ്, സി പി ഒ എന്‍.യു.ദയേഷ് എന്നിവരാണ് ഉണ്ടായിരുന്നത്.
