കോതമംഗലം : കൊച്ചി ധനുഷ്കോടി ദേശീയ പാതയിൽ നേര്യമംഗലം ആറാം മൈലിൽ രാത്രി എത്തിയ രണ്ടു കാട്ടാനകൾ ഭീതി പരത്തി. രാത്രിയിൽ ഉണ്ടായ കനത്ത മഴ നനഞ്ഞ് കൊണ്ടാണ് രണ്ട് കൊമ്പനാനകൾ റോഡ് വക്കിൽ നില ഉറപ്പിച്ചത്. ഏറെ നേരം കാട്ടാനകൾ റോഡ് വക്കിൽ നിലയുറപ്പിച്ചത് ദേശീയപാത വഴി മൂന്നാറിലേക്ക് ഉളള സഞ്ചാരികൾ ഉൾപ്പെടെയുള്ള യാത്രക്കാരെ ഭീതിയിലാക്കി.
കൊച്ചി – ധനുഷ്കോടി ദേശീയ പാതയിൽ നേര്യമംഗലം പാലത്തിനും വാളറക്കും ഇടയിൽ വരുന്ന ഭാഗത്ത് പകലും രാത്രിയിലും കാട്ടാന സാനധ്യം വർദ്ധിച്ചു
വരുന്നത് ദേശീയപാത വഴി മൂന്നാറിലേക്ക് ഉളള സഞ്ചാരികൾ ഉൾപ്പെടെയുള്ള യാത്രക്കാരെ ഭീതിയിലാക്കിയിരിക്കുകയാണ്. ദേശീയ പാതയിൽ കാട്ടാനകൾ ഇറങ്ങി യാത്രക്കാർക്ക് ഭീഷണിയാകുന്നതിന് പരിഹാരം കാണുവാൻ നടപടി വേണമെന്ന ആവശ്യം ശക്തമായിട്ടുണ്ട്.
