കോതമംഗലം : കുട്ടമ്പുഴ പഞ്ചായത്തിലെ വടാട്ടുപാറ – മാമലക്കണ്ടം പ്രദേശങ്ങളിലെ 492 പട്ടയ അപേക്ഷകൾക്ക് അംഗീകാരം.ഇന്ന് ചേർന്ന ലാൻഡ് അസൈൻമെന്റ് കമ്മിറ്റിയാണ് പട്ടയ അപേക്ഷകൾ അംഗീകരിച്ചത്. താലൂക്കിലെ വിവിധ വില്ലേജുകളിലായി 5000 ത്തിലേറെ കൈവശക്കാർക്ക് പട്ടയം നൽകുന്നതിനുള്ള നടപടി വേഗത്തിൽ പുരോഗമിക്കുകയാണെന്നും,അർഹരായ മുഴുവൻ പേർക്കും സമയ ബന്ധിത മായിത്തന്നെ പട്ടയം ലഭ്യമാക്കുമെന്നും എം എൽ എ പറഞ്ഞു. യോഗത്തിൽ ആന്റണി ജോൺ എം എൽ എ അധ്യക്ഷത വഹിച്ചു.
തഹസിൽ ദാർ അനിൽകുമാർ എം,സ്പെഷ്യൽ തഹസിൽ ദാർ സജിമോൻ മാത്യു, കുട്ടമ്പുഴ ഗ്രാമപഞ്ചായത്ത് പ്രസിഡന്റ് കാന്തി വെള്ളക്കയ്യൻ,ജില്ലാ പഞ്ചായത്ത് അംഗം റഷീദ സലീം, ഡെപ്യൂട്ടി തഹസിൽദാർ ജെയ്സൺ മാത്യു,കെ കെ ശിവൻ,എം കെ രാമചന്ദ്രൻ,എം എസ് എൽദോസ്,ജോയി പി വി,ഇ എം മൈക്കിൾ,മനോജ്‌ ഗോപി എന്നിവർ യോഗത്തിൽ പങ്കെടുത്തു.
