കോതമംഗലം : സംസ്ഥാന വനിത ശിശുക്ഷേമ വകുപ്പിൻ്റെ 2022-23 ലെ സംസ്ഥാന തലത്തിൽ മികച്ച അങ്കണവാടി ടീച്ചറായി തെരെഞ്ഞെടുക്കപ്പെട്ട വി.കെ.അജിതകുമാരിയെ ആദരിച്ചു.നെല്ലിക്കുഴി ഗ്രാമപഞ്ചായത്ത് വാർഡ് 13 ലെ കുപ്പശ്ശേരി മോളം അങ്കണവാടിയിലെ ടീച്ചറാണ്. അങ്കണവാടിയിൽ വച്ച് നടന്ന ചടങ്ങിൽ പഞ്ചായത്ത് പ്രസിഡൻ്റ് പി.എം.മജീദ് അധ്യക്ഷത വഹിച്ച ചടങ്ങിൽ ആൻറണി ജോൺ പൊന്നാടയണിച്ചും, മൊമൊൻ്റൊ നൽകിയും ആദരിച്ചു.
വൈസ് പ്രസിഡൻ്റ് ശോഭാ വിനയൻ, ജില്ലാ പഞ്ചായത്തംഗം റഷീദ സലീം, സ്ഥിരം സമിതി അധ്യക്ഷൻ എൻ.ബി.ജമാൽ, ഗ്രാമ പഞ്ചായത്തംഗങ്ങൾ, സി ഡി പി ഒ ഷീല.പി.വി, ഐ സി ഡി എസ് സൂപ്പർവൈസർ ഡിന്ന ഡേവിസ്, അങ്കണവാടി വർക്കർമാർ, രക്ഷാകർത്താക്കൾ, അങ്കണവാടിയിലെ വിദ്യാർത്ഥി, വിദ്യാർത്ഥിനികൾ, നാട്ടുകാർ തുടങ്ങിയവർ പങ്കെടുത്തു.
