കോതമംഗലം : കോതമംഗലം കനിവ് ഏരിയാ കമ്മറ്റി നടത്തിയ നറുക്കെടുപ്പിൻ്റെ സമ്മാന വിതരണ ഉദ്ഘാടനം ആൻ്റണി ജോൺ എം എൽ എ നിർവഹിച്ചു. കനിവ് ഏരിയ പ്രസി: സാബു വർഗ്ഗീസ് അധ്യക്ഷത വഹിച്ച യോഗത്തിൽ സെക്രട്ടറി കെ കെ വറുഗീസ് സ്വാഗതം പറഞ്ഞു. സംഭാവനയായി ലഭിച്ച പാലിയേറ്റീവ് ഉപകരണങ്ങളുടെ ഏറ്റുവാങ്ങലും വിതരണ ഉദ്ഘാടനവും യുവജനക്ഷേമ ബോർഡ് വൈ: ചെയർമാൻ എസ് സതീഷ് നിർവഹിച്ചു.
യോഗത്തിന് ആശംസകൾ അർപ്പിച്ച് നഗരസഭ ചെയർമാൻ കെ കെ ടോമി, വൈ: ചെയർ പേഴ്സൻ സിന്ധു ഗണേശൻ, രക്ഷാധികാരി കെ എ ജോയി, ജില്ല കമ്മറ്റിയംഗങ്ങളായ സി പി എസ് ബാലൻ, കദീജ മൊയ്തീൻ, ഏരിയ കമ്മറ്റിയംഗങ്ങളായ സി കെ വിദ്യാസാഗർ, എസ് ഉദയൻ,ഷിനോ,റ്റി സി മാത്യു, രാജേന്ദ്രൻ, കെ എം ബഷീർ എന്നിവർ സംസാരിച്ചു. യോഗത്തിന് സജി മാടവന നന്ദി പറഞ്ഞു.
