കോതമംഗലം: വന്യമൃഗ ആക്രമണം സർക്കാർ അനാസ്ഥയാണെന്ന് അനൂപ് ജേക്കബ് എംഎൽഎ. കേരളകോൺഗ്രസ് ജേക്കബ് കോതമംഗലം നിയോജകമണ്ഡലം കമ്മിറ്റിയുടെ നേതൃത്വത്തിൽ ഡി എഫ് ഒ . ഓഫീസിലേക്ക് നടത്തിയ പ്രതിഷേധ മാർച്ച് ഉദ്ഘാടനം ചെയ്യുകയായിരുന്നു എം.എൽ.എ. കോതമംഗലം താലൂക്കിലെ 5 പഞ്ചായത്തിലെ ജനങ്ങൾ നിരന്തരം അനുഭവിക്കുന്ന വന്യമൃഗ ആക്രമണങ്ങൾക്കും, വിള നശീകരണങ്ങൾക്കും ശാശ്വത പരിഹാരം കാണണമെന്നും അർഹമായ നഷ്ടപരിഹാരം നൽകണമെന്നും ആവശ്യപ്പെട്ടായിരുന്നു പ്രതിക്ഷേധ മാർച്ച്. നിയോജക മണ്ഡലം പ്രസിഡണ്ട് അഡ്വക്കേറ്റ് മാത്യു ജോസഫ് അധ്യക്ഷത വഹിച്ചു.
ജില്ലാ പ്രസിഡണ്ട് ഇ. എം മൈക്കിൾ മുഖ്യപ്രഭാഷണം നടത്തി. ജില്ലാ ജനറൽ സെക്രട്ടറി ആൻറണി പാലക്കുഴി, ജില്ലവൈസ് പ്രസിഡണ്ട് ടി വി ബേബി, ജോഷി പോൾ, ബേസിൽ വർഗീസ്, പി വിഅവരാച്ചൻ, മാത്യു കൊറ്റം, എ ആർ ചെറിയാൻ, ബീന റോജോ, എംപി വർക്കി, മാത്യു മുക്കത്ത്, മാമച്ചൻ പെലക്കുടി, ബെന്നി ജോർജ്, വിൽസൺ നെല്ലിമറ്റം, മാത്യു വാരപ്പെട്ടി, സി.പി ജോസ് എന്നിവർ പ്രസംഗിച്ചു.
