കോതമംഗലം: ഗ്രീൻവിഷൻകേരളയും സന്നദ്ധസംഘടനകളും ലഹരിക്കെതിരെ ജനകീയ സായാഹ്നധർണ നടത്തി . കോതമംഗലം സോഷ്യൽ സർവ്വീസ് സൊസെറ്റിയുടെ സജീവം ലഹരി വിരുദ്ധ ക്യാമ്പെയിനും, കെ സി ബി സി മദ്യവിരുദ്ധ സമിതിയും ഗ്രീൻവിഷൻ കേരളയും സംയുക്തമായിചേർന്നാണ് ജനകീയ സായാഹ്നധാർണ്ണ സംഘടിപ്പിച്ചത്. കോതമംഗലം ചെറിയപള്ളിത്താഴത്ത് നടത്തിയ ധർണ്ണ മദ്യവിരുദ്ധ സമിതി രൂപത പ്രസിഡൻ്റ് ജെയിംസ് കേറമ്പേൽ ഉദ്ഘാടനംചെയ്തു.
ഗ്രീൻ വിഷൻ കേരള റീജിയണൽ പ്രസിഡൻറ്റ് മാത്യൂസ് നിരവത്ത് അധ്യക്ഷതവഹിച്ചു. സംസ്ഥാന ട്രഷറാർ ജിജി പുളിക്കൽ മുഖ്യ പ്രഭാഷണം നടത്തി. സജീവം പ്രോജക്ട് കോ – ഓഡിനേറ്റർ ജോൺസൻ കറുകപ്പിള്ളിൽ,
ജോസഫ് ആൻ്റണി, ചന്ദ്രലേഖ ശശിധരൻ, ജോയി പടയാട്ടിൽ, കെ. തു് സലിം, മാർട്ടിൻ കീഴേമാടൻ, ജോസ് കൈതമന, ജോണി കണ്ണാടൻ, പോൾ കോങ്ങാടൻ, ജിജു വടക്കേ കുടി , ബിജു വെട്ടിക്കുഴ, ജോർജുകുട്ടി ജോയി എന്നിവർ പ്രസംഗിച്ചു.
