ന്യൂ ഡല്ഹി: ഡോ. ബി ആര് അംബേദ്കര് ഗ്ലോബല് ഫൗണ്ടേഷന്റെ ‘അംബേദ്കര് ഗ്ലോബല് അവാര്ഡ് 2024’ന് മികച്ച പത്രപ്രവര്ത്തകനും സാമൂഹിക സേവന പ്രവര്ത്തകനുമായ ഷാജിവാഴൂര് അര്ഹനായി. മോണിംഗ് ന്യൂസ് ഡെയ്ലി, സ്നേഹവചനം (പ്രിന്റഡ് ന്യൂസ് പേപ്പര്) എന്നീ പത്രങ്ങളുടെ ചീഫ് എഡിറ്ററാണ് വാരപ്പെട്ടി സ്വദേശി ഷാജിവാഴൂര്. കഴിഞ്ഞ മൂന്ന് പതിറ്റാണ്ടുകളായി മാധ്യമ പ്രവര്ത്തന രംഗത്ത് സജീവ സാന്നിധ്യമാണ് ഷാജിവാഴൂര്. കേരളപത്ര പ്രവര്ത്തക അസോസിയേഷന് കോട്ടയം ജില്ലാ കമ്മറ്റി അംഗവും യുപിസി മീഡിയ കോര്ഡിനേറ്ററുമാണ്.
നവംബര് പത്താം തീയതി ഞായറാഴ്ച ഉച്ചയ്ക്ക് ഒരു മണിക്ക് ഡല്ഹി ആര് കെ പുരം സെക്ടര് 5 തിരുവള്ളൂര് (തമിഴ് സംഘം ) ഓഡിറ്റോറിയത്തില് നടക്കുന്ന ഡോ. ബി ആര് അംബേദ്കര് ഗ്ലോബല് ഫൗണ്ടേഷന്റെ നാഷണല് മീറ്റിംഗില് ഷാജി വാഴൂര് അവാര്ഡ് ഏറ്റുവാങ്ങും.
