കോതമംഗലം : എ ഐ വൈ എഫ് ഭഗത് സിംഗ് യൂത്ത് ഫോഴ്സ് ജില്ലാ ക്യാമ്പ് കോതമംഗലത്ത് നടത്തി.
സന്നദ്ധ – സേവന – ജീവകാരുണ്യ – ദുരന്തനിവാരണ പ്രവർത്തനങ്ങളിൽ യുവത്വത്തിൻ്റെ പങ്ക് വർദ്ധിപ്പിക്കുക എന്ന ലക്ഷ്യത്തോട് കൂടിയാ ണ് ഭഗത് സിംഗ് യൂത്ത് ഫോഴ്സ് രൂപീകരിച്ചിട്ടുള്ളത്.
ക്യാമ്പ് എ ഐ വൈ എഫ് സംസ്ഥാന പ്രസിഡൻ്റ് എൻ അരുൺ ഉദ്ഘാടനം ചെയ്തു. പാലിയേറ്റീവ് കെയർ രംഗത്തെ സംബന്ധിച്ച് ഡോ . സി കെ രഘുത്തമനും ദുരന്തനിവാരണ പ്രവർത്തനങ്ങളെ സംബന്ധിച്ച് ഭഗത് സിംഗ് യൂത്ത് ഫോഴ്സ് ടെക്നിക്കൽ കോർഡിനേറ്റർ ദീപു തോമസും ക്ലാസ് എടുത്തു. സി പി ഐ ജില്ലാ അസിസ്റ്റന്റ് സെക്രട്ടറി അഡ്വ. കെ എൻ സുഗതൻ, ഇ കെ ശിവൻ, ടി സി സൻജിത്ത്, പി ടി ബെന്നി, കെ ആർ റെനീഷ് ,പി കെ രാജേഷ് , എൻ യു നാസർ എന്നിവർ പ്രസംഗിച്ചു. യൂത്ത് ഫോഴ്സ് ജില്ലാ ക്യാപ്റ്റൻ ആൽവിൻ സേവ്യാർ, വൈസ് ക്യാപ്റ്റൻ രേഖ ശ്രീജേഷ്, സി എ സതീഷ് , പി എം നിസാമുദ്ദീൻ എന്നിവരെ ഭാരവാഹികളായി തെരഞ്ഞെടുത്തു.
പടം : എ ഐ വൈ എഫ് ഭഗത് സിംഗ് യൂത്ത് ഫോഴ്സ് ജില്ലാ ക്യാമ്പ് കോതമംഗലത്ത് സംസ്ഥാന പ്രസിഡന്റ് എൻ അരുൺ ഉദ്ഘാടനം ചെയ്യുന്നു
