കുറുപ്പംപടി: 40 ഗ്രാം എം.ഡി.എം.എ യുമായി യുവാവ് പിടിയിൽ. ഇരിങ്ങോൾ പീച്ചിനാമുകൾ തൃശ്യമംഗലം സിദ്ധാർത്ഥൻ (25) നെയാണ് കുറുപ്പംപടി പോലീസും ഡിസ്ട്രിക്ക് ആന്റി നർക്കോട്ടിക്ക് സ്പെഷൽ ആക്ഷൻ ഫോഴ്സും ചേർന്ന് പിടികൂടിയത്. പോലീസിന് ലഭിച്ച രഹസ്യവിവരത്തെ തുടർന്ന് നടന്ന പരിശോധനയിലാണ് രാസലഹരി ഇയാളുടെ പേഴ്സിൽ നിന്ന് കണ്ടെത്തിയത്. ബാംഗ്ലൂരിൽ നിന്ന് വിൽപനക്കായി വാങ്ങിയതാണെന്ന് പ്രതി പോലീസിനോട് പറഞ്ഞു. എസ് ഐമാരായ ടി.ബി.ബിബിൻ, അബ്ദുൾ ജലീൽ സി.പി.ഒ മാരായ സഞ്ജു ജോസ്, എൻ.പി.ബിന്ദു, കെ.പി.നിസാർ തുടങ്ങിയവരാണ് അന്വേഷണ സംഘത്തിലുള്ളത്.
