കോതമംഗലം: മീനമാസത്തിലെ കത്തുന്ന വെയിലിലും ആവേശോജ്ജ്വലമായ സ്വീകരണമാണ് എല്‍ഡിഎഫ് സ്ഥാനാര്‍ത്ഥി അഡ്വ. ജോയ്സ് ജോര്‍ജ്ജിന് ലഭിച്ചത്. രാവിലെ 7.30 ന് കുട്ടമ്പുഴ പഞ്ചായത്തിലെ എളംബ്ലാശ്ശേരിയില്‍ നിന്ന് ആരംഭിച്ച പര്യടനത്തിന്‍റെ ഉദ്ഘാടനം സിപിഐ എം സംസ്ഥാന കമ്മറ്റിയംഗം എസ്. സതീഷ് ഉദ്ഘാടനം ചെയ്തു. തുടര്‍ന്ന് കീരംപാറ, പിണ്ടിമന, വടാട്ടുപാറ പഞ്ചായത്തുകളിലും മുനിസിപ്പല്‍ ഈസ്റ്റ് മേഖലയിലും പര്യടനം നടത്തി.
ആന്‍റണി ജോണ്‍ എംഎല്‍എ, സിപിഐ എം ജില്ലാ സെക്രട്ടറിയേറ്റംഗം ആര്‍. അനില്‍കുമാര്‍, ഏരിയ സെക്രട്ടറി കെ.എ. ജോയി, സിപിഐ. സംസ്ഥാന കമ്മറ്റിയംഗം ഇ.കെ. ശിവന്‍, താലൂക്ക് സെക്രട്ടറി പി.ടി. ബെന്നി, കേരള കോണ്‍ഗ്രസ് (എം) നിയോജകമണ്ഡലം പ്രസിഡന്‍റ് എന്‍.സി. ചെറിയാന്‍, ജനതാദള്‍ (എസ്) ജില്ലാ വൈസ് പ്രസിഡന്‍റ് മനോജ് ഗോപി, എന്‍സിപി (എസ്) സെക്രട്ടറി ടി.പി. തമ്പാന്‍, കേരള കോണ്‍ഗ്രസ് (സ്കറിയ) നിയോജകമണ്ഡലം സെക്രട്ടറി ഷാജി പീച്ചക്കര, കേരള കോണ്‍ഗ്രസ് (ബി) പ്രസിഡന്‍റ് ബേബി പൗലോസ്, കോണ്‍ഗ്രസ് (എസ്) പ്രസിഡന്‍റ് സാജന്‍ അമ്പാട്ട് എല്‍ഡിഎഫ് നേതാക്കളായ എം.വി. രാജന്‍, കെ.കെ. ശിവന്‍, റഷീദ സലിം, കെ.കെ ദാനി നേതാക്കളായ പി.എന്‍. കുഞ്ഞുമോന്‍, സി.പി.എസ്. ബാലന്‍, സി.കെ. ഹരികൃഷ്ണന്‍, ടി.സി. ജോയി, സി.പി. മുഹമ്മദ്, ജിജി പുളിക്കല്‍, മനോജ് നാരായണന്‍, കെ.പി. ജയകുമാര്‍ പി.എം. ശിവന്‍, ഷിബു പടപറമ്പത്ത് തുടങ്ങിയവര്‍ വിവിധ സ്വീകരണ കേന്ദ്രങ്ങളില്‍ സംസാരിച്ചു.
