കോതമംഗലം : പരിസ്ഥിതി ലോല പ്രദേശവുമായി ബന്ധപ്പെട്ട് കേന്ദ്രം പുറപ്പെടുവിച്ച അഞ്ചാമത് കരട് വിജ്ഞാപനവുമായി ബന്ധപ്പെട്ട് ഉയർന്നു വന്നിട്ടുള്ള ആശങ്കകൾ ചർച്ച ചെയ്യാൻ ഇഞ്ചത്തൊട്ടിയിൽ ജനകീയ സദസ്സ് സംഘടിപ്പിച്ചു. ജനവാസ മേഖലയെയും കൃഷി യിടങ്ങളെയും പൂർണ്ണമായി ഒഴിവാക്കണമെന്നാണ് സർക്കാരിന്റെ ഉറച്ച നിലപാട്. ജനങ്ങൾ ആശങ്ക പെടേണ്ട സാഹചര്യം ഇല്ലെന്ന് യോഗം ഉദ്ഘാടനം ചെയ്ത് കൊണ്ട് എം എൽ എ പറഞ്ഞു.ഇഞ്ചത്തൊട്ടി സെന്റ് മേരിസ് ചർച്ച് ഹാളിൽ നടന്ന ജനകീയ സദസ്സിൽ വാർഡ് മെമ്പർ മിനി മനോഹരൻ അധ്യക്ഷത വഹിച്ചു. പഞ്ചായത്ത് പ്രസിഡന്റ് കാന്തി വെള്ളക്കയ്യൻ പഞ്ചായത്ത് ഇതുവരെ സ്വീകരിച്ച നടപടികളെ സംബന്ധിച്ച് യോഗത്തിൽ വിശദീകരിച്ചു.
യോഗത്തിൽ ബ്ലോക്ക് പഞ്ചായത്ത് അംഗം കെ കെ ഗോപി,പഞ്ചായത്ത് വൈസ് പ്രസിഡന്റ് മേരി കുര്യാക്കോസ്, മാർ ഗ്രിഗോറിയോസ് ചർച്ച് വികാരി ഫാദർ സിബി ഇടപ്പുളവൻ, പഞ്ചായത്ത് അംഗങ്ങളായ ജോഷി പൊട്ടയ്ക്കൽ,ഡെയ്സി ജോയ്,സിബി കെ എ , കിഫ ജില്ലാ പ്രസിഡന്റ് സിജുമോൻ ഫ്രാൻസിസ്, സി ജെ എൽദോസ്, സി പി ഐ എം ലോക്കൽ സെക്രട്ടറി കെ റ്റി പൊന്നച്ചൻ, സിന്ധു അനിൽകുമാർ , മാത്യു ജോർജ്,അജേഷ് കുമാർ,ഷൈജൻ തോമസ് എന്നിവർ സംസാരിച്ചു.
