കോതമംഗലം : ടർഫ് മൈതാനത്ത് ഫുട്ബോൾ കളിക്കുന്നതിനിടെ കോതമംഗലം സ്വദേശി കുഴഞ്ഞുവീണ് മരിച്ചു. തങ്കളം പട്ടേരി (വട്ടക്കൂടി) വീട്ടിൽ അനസ് (45) ആണ് മരണപ്പെട്ടത്. കേബിൾ ടിവി ഓപ്പറേറ്റർ ആയിരുന്നു. ഇന്നലെ വൈകിട്ട് എട്ടുമണിയോടെയായിരുന്നു സംഭവം. പറവൂർ പരിയാരത്തുള്ള ഫുട്ബോൾ ടർഫിൽ കേബിൾ ഓപ്പറേറ്റേഴ്സ് എറണാകുളം ജില്ലാ സമ്മേളനത്തോടനുബന്ധിച്ച് നടന്ന സൗഹൃദ ഫുട്ബോൾ മത്സരം നടക്കുന്നതിനിടയിൽ അനസ് കുഴഞ്ഞുവീഴുകയായിരുന്നു.
ഉടൻതന്നെ പറവൂർ ഡോൺ ബോസ്കോ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. മൃതദേഹം ഡോൺ ബോസ്കോ ആശുപത്രി മോർച്ചറിയിലേക്ക് മാറ്റിയിട്ടുണ്ട്.
