കോതമംഗലം: സംസ്ഥാന സർക്കാരിന്റെ 100 ദിന കർമ്മപരിപാടികളുടെ ഭാഗമായി തദ്ദേശ സ്വയംഭരണ വകുപ്പിന്റെ നേതൃത്വത്തിൽ ആരംഭിക്കുന്ന മാലിന്യ പരിപാലന ക്യാമ്പയിനായ നിർമലം പുതുയുഗ ശുചിത്വ കേരളം ക്യാമ്പയിൻറെ പൊതുജന പങ്കാളിത്തതോടെയുളള പ്രവർത്തനങ്ങളുടെ നഗരസഭാ തല ഉദ്ഘാടനം നടത്തി.
നഗരസഭാ ഹാളിൽ നടന്ന ചടങ്ങ് ചെയർപേഴ്സൺ ഭാനുമതി രാജു ഉദ്ഘാടനം ചെയ്തു. വൈസ് ചെയർപേഴ്സൺ പ്രിൻസ് വർക്കി അധ്യക്ഷത വഹിച്ചു. സ്ഥിരം സമിതി ചെയർപേഴ്സൺമാരായ സിന്ധു ജിജോ,എൻ .എച് അബിദ ,ഡോ. ആഷ്ലി ജോസഫ്, അനൂപ് ജോർജ്, ജോർജ് അമ്പാടൻ, എൽദോസ് കീച്ചേരി, കൗൺസിലർമാർ എന്നിവർ പങ്കെടുത്തു.നിർമലം പുതുയുഗ ശുചിത്വ കേരളം ക്യാമ്പയിനിന്റെ നഗരസഭാ ബ്രാൻഡ് അംബാസിഡർ ആയി ബിൽറ്റ അബ്രഹാമിനെ തിരഞ്ഞെടുത്തു. മാലിന്യ സംസ്കരണ മേഖലയിലെ മുന്നണി പോരാളികളായ ഹരികർമ്മസേനാംഗങ്ങളെ ചടങ്ങിൽ ആദരിച്ചു.
.
