കോതമംഗലം: തൃക്കാരിയൂര് ആയക്കാട് കവലയില് പണി പൂര്ത്തിയാക്കാത്ത ഓടയിലേക്ക് വീണ് കാര് അപകടം. യാത്രക്കാര്ക്ക് പരിക്കില്ല. എതിരെ വന്ന വാഹനത്തിന് കടന്നുപോകാന് വഴിയൊരിക്കിയപ്പോഴാണ് കാറിന്റെ ഇടത് വശത്തെ മുന്ചക്രം ഓടയില്പ്പെട്ടത്. ഇന്നലെ രാവിലെ 11.30 ഓടെയാണ് സംഭവം. ഒരു ചക്രം ഓടയില്പ്പെടുകയും എതിര്വശത്തെ പിന്ചക്രം ഉയരുകയും ചെയ്തു. കാര് പിന്നീട് നാട്ടുകാരുടെ സഹായത്തോടെയാണ് പുറത്തെടുത്തത്. ആയക്കാട് വേട്ടാംപാറ റോഡില് ഒരു വര്ഷം മുമ്പാണ് കോടികളുടെ നവീകരണ പ്രവൃത്തികള് നടത്തിയത്. ആയക്കാട് കവലയില് ഓടയ്ക്ക് മുകളില് ഏതാനും സ്ലാബുകള് ഇടാതെ പോയതാണ് വാഹനങ്ങളേയും കാല്നടക്കാരേയും അപകടത്തിലാക്കുന്നത്. സ്ലാബ് സ്ഥാപിക്കാനായി തീര്ത്ത കോണ്ക്രീറ്റ് ഭാഗം ഇതിനോടകം പൊട്ടിതകര്ന്ന നിലയിലാണ്.
മൂന്നും കൂടിയ ജംഗ്ഷനില് വെറ്റിലപ്പാറ, അയിരൂര്പ്പാടം ഭാഗത്തേക്ക് പോകുന്ന ബസുകള് നിര്ത്തുന്ന സ്റ്റോപ്പിന് തൊട്ടു ചേര്ന്നാണ് മൂടിയില്ലാത്ത കാന. ബസില്നിന്ന് ധൃതിപിടിച്ച് ഇറങ്ങുന്നവര് തുറന്ന കാന ശ്രദ്ധയില്പ്പെടാതെ കാലെടുത്ത് വയ്ക്കുമ്പോള് കുഴയിലാകും. ഇത്തരത്തില് വീണ് കൈയ്യും കാലും പൊട്ടിയവരുമുണ്ട്. ഇതിനോടകം നിരവധി വാഹനങ്ങളും ആളുകളും കാനയില് വീണ് അപകടത്തിലായിട്ടും പൊതുമരാമത്ത് അധികാരികള് കാട്ടുന്ന അനാസ്ഥക്കെതിരെ ശക്തമായ പ്രതിഷേധം ഉയരുന്നുണ്ട്.
You May Also Like
NEWS
കോതമംഗലം :വന്യ മൃഗ ശല്യം രൂക്ഷമായി തുടരുന്ന കീരമ്പാറ പഞ്ചായത്തിലെ വിവിധ പ്രദേശങ്ങളെ വന്യ മൃഗശല്യത്തിൽ നിന്നും സംരക്ഷിക്കുന്നതിന് വേണ്ടി നിർമ്മിക്കുന്ന ഹാങ്ങിങ് ഫെൻസിങ്ങിന്റെ നിർമ്മാണ ഉദ്ഘാടനം ഒക്ടോബർ 24 ന് വനം...
NEWS
കോതമംഗലം: നേര്യമംഗലം മണിയൻപാറ കടത്ത് കടവ് കുളിക്കടവ് നാടിന് സമർപ്പിച്ച് കോതമംഗലം ബ്ലോക്ക് പഞ്ചായത്ത്. കവളങ്ങാട് പഞ്ചായത്ത് ഒൻപതാം വാർഡിൽ മണിയൻപാറ കടത്ത് കടവിലാണ് ബ്ലോക്ക് പഞ്ചായത്ത് 2023-2024 വാർഷീക പദ്ധതിയിൽ ഉൾപെടുത്തി...
CRIME
കോതമംഗലം: ബാറില് നടന്ന ഗുണ്ടാ ആക്രമണ കേസില് ഒരു പ്രതി കുടി അറസ്റ്റില്. കോതമംഗലം പെരുന്നാളുമായി ബന്ധപെട്ട് കാര്ണിവല് അമ്യുസ്മെന്റ് പാര്ക്ക് നടത്തിപ്പുമായി ഉണ്ടായ തര്ക്കത്തെ തുടര്ന്ന് കറുകടം സ്വദേശിയായ അന്വറിന്റെയും ഓടക്കാലി...
NEWS
കോതമംഗലം: കോതമംഗലത്തെ ബാറില് പണമിടപാടിനെ ചൊല്ലി ഗുണ്ടാ സംഘങ്ങള് ഏറ്റുമുട്ടിയ സംഭവത്തില് ഒളിവിലായിരുന്ന മൂന്ന് പ്രതികള് കൂടി അറസ്റ്റിലായി. സംഭവത്തില് ഇനിയും മൂന്ന് പ്രതികളെ കൂടി പിടികൂടാനുണ്ട്. ഇതോടെ അറസ്റ്റിലായവരുടെ എണ്ണം ഏഴായി....