കുട്ടമ്പുഴ: ഗ്രാമപഞ്ചായത്തിലെ ജനവാസ മേഖലകളും പരിസ്ഥിതിലോല പ്രദേശങ്ങളും തമ്മില്‍ തരംതിരിക്കുന്ന ESA റിപ്പോര്‍ട്ട്‌ സംബന്ധിച്ച് പ്രമുഖ രാഷ്ട്രീയ പാര്‍ട്ടികളുടെ ഒരു സര്‍വ്വകക്ഷിയോഗം സംഘടിപ്പിച്ചു. കുട്ടമ്പുഴ ഗ്രാമപഞ്ചായത്ത് പ്രസിഡന്റ് ശ്രീമതി. കാന്തി വെള്ളക്കയ്യന്‍ അദ്ധ്യക്ഷത വഹിച്ച യോഗത്തില്‍ വികസനകാര്യ സ്റ്റാൻഡിങ് കമ്മിറ്റി ചെയർമാൻ സിബി കെ എ സ്വാഗത ആശംസിച്ചു.
ബ്ലോക്ക് പഞ്ചായത്ത് മെമ്പര്‍മാര്‍, പഞ്ചായത്ത് സ്റ്റാന്റിംഗ് കമ്മറ്റി ചെയര്‍മാന്‍, മറ്റു വാര്‍ഡ്‌ മെമ്പര്‍മാര്‍ രാഷ്ട്രീയ നേതാക്കള്‍, പഞ്ചായത്ത് അസി. സെക്രട്ടറി എന്നിവര്‍ സന്നിഹിതരായിരുന്നു. ESA റിപ്പോര്‍ട്ടില്‍ ജനവാസമേഖലകളും കൃഷിയിടങ്ങളും ഉള്‍പ്പെടുത്തിയിട്ടുണ്ട് എന്നത് യോഗം വിലയിരുത്തി. ആയത് പരിഹരിക്കുന്നതിന് വിശദമായ ഒരു റിപ്പോര്‍ട്ട്‌ തയ്യാറാക്കി ബന്ധപ്പെട്ട വകുപ്പിന് ഉടന്‍തന്നെ കൈമാറുമെന്ന് യോഗത്തില്‍ തീരുമാനം കൈക്കൊണ്ടു.
