“ഞങ്ങളും കൃഷിയിലേയ്ക്ക്” കോതമംഗലം നഗരസഭ തല ഉദ്ഘാടനം ആൻ്റണി ജോൺ എം എൽ എ നിർവ്വഹിച്ചു.

കോതമംഗലം :: ” ഞങ്ങളും കൃഷിയിലേയ്ക്ക് ” പദ്ധതിയുടെ കോതമംഗലം നഗരസഭ തല ഉദ്ഘാടനം മുനിസിപ്പൽ വൈസ്  ചെയർപേഴ്സൺ സിന്ധു ഗണേശൻ അദ്ധ്യക്ഷത വഹിച്ച ചടങ്ങിൽ ആൻ്റണി ജോൺ എം എൽ എ വെണ്ടുവഴി പുതീയ്ക്കൽ വീട്ടിൽ ബോബി പി കുര്യാക്കോസ് എന്ന കർഷകൻ്റെ കൃഷിയിടത്തിൽ പച്ചക്കറി തൈ നട്ട്  നിർവ്വഹിച്ചു.തരിശായി കിടന്ന 4 ഏക്കർ സ്ഥലത്താണ് പച്ചക്കറി,മറ്റ് തന്നാണ്ട് വിളകൾ കൃഷി ചെയ്തിരിക്കുന്നത്.ചടങ്ങിൽ വികസന കാര്യ സ്റ്റാൻ്റിംഗ് കമ്മിറ്റി ചെയർമാൻ കെ എ നൗഷാദ്,ആരോഗ്യ കാര്യ സ്റ്റാൻ്റിംഗ് കമ്മിറ്റി ചെയർമാൻ കെ വി തോമസ്,കൗൺസിലർമാരായ രമ്യാ വിനോദ്,ഷിബു കുര്യാക്കോസ്,കുടുംബശ്രീ പ്രവർത്തകർ,കർഷകർ എന്നിവർ പങ്കെടുത്തു.കൃഷി ഫീൽഡ് ഓഫീസർ ഇ പി സാജു സ്വാഗതവും,പൊതുമരാമത്ത് സ്റ്റാൻ്റിംഗ് കമ്മിറ്റി ചെയർപേഴ്സൺ ബിൻസി തങ്കച്ചൻ നന്ദിയും രേഖപ്പെടുത്തി.