കോതമംഗലം:കോതമംഗലം എസ് എൻ ഡി പി യൂണിയന് കീഴിലുള്ള ഇരുപത്തി ആറ് ശാഖകളലും ശ്രീ നാരായണഗുരുദേവൻ്റെ നൂറ്റി എഴുപതാമത് ജയന്തി ആഘോഷിച്ചു. വിവിധപരിപാടികളോടെ ശാഖകളിൽ നടന്ന ചടങ്ങിൻ്റെ സമാപന സമ്മേളനം യൂണിയൻ പ്രസിഡൻ്റ് അജിനാരായണൻ, സെക്രട്ടറി പി.എ.സോമൻ,വൈസ് പ്രസിഡൻ്റ് കെ. എസ് ഷിനിൽ കുമർ , ബോർഡ് അംഗം സജീവ് പാറയ്ക്കൽ,കൗൺസിലർമാരായ പി.വി.വാസു, റ്റി.ജി. അനി എന്നിവർ വിവിധ ശാഖകളിൽ ഉദ്ഘാടനം ചെയ്തു. ഘോഷയാത്രയും കുട്ടികളുടെ കലാപരിപാടികളും അന്നദാനത്തോടും കൂടി ചടങ്ങ് സമാപിച്ചു. ജയന്തി ആഘോഷങ്ങൾ ചിലവ് ചുരുക്കി നടത്തിയതിൽ നിന്നും ലഭിക്കുന്ന പണം വയനാട് ദുരിതബാധിതർക്ക് എസ് എൻ ഡി പിയോഗം മുഖേന നൽകും.
