കോതമംഗലം : കോതമംഗലം താലൂക്കിൽ കഴിഞ്ഞ ദിവസങ്ങളിൽ ഉണ്ടായ കനത്ത മഴയിലും കാറ്റിലും 15 ലക്ഷം രൂപയുടെ കൃഷി നാശം ഉണ്ടായി.കവളങ്ങാട്, പല്ലാരിമംഗലം, നെല്ലിക്കുഴി,വാരപ്പെട്ടി,കോട്ടപ്പടി എന്നീ പഞ്ചായത്തുകളിലും കോതമംഗലം മുനിസിപ്പാലിറ്റിയിലും കൃഷിനാശം ഉണ്ടായിട്ടുള്ളത്.ഏകദേശം 6000 ത്തോളം കുലച്ച വാഴകൾ, നെൽകൃഷി, കപ്പ കൃഷി,ജാതി, കമുക്,റബർ എന്നീ വിളകൾക്കാണ് നാശനഷ്ടം ഉണ്ടായത്.
ഏകദേശം 15 ലക്ഷം രൂപയുടെ നാശനഷ്ടമാണ് പ്രാഥമികമായി കണക്കാക്കിയിട്ടുള്ളത്. കൃഷി വകുപ്പ് ഉദ്യോഗസ്ഥർ ഫീൽഡ് പരിശോധന വേഗത്തിൽ പൂർത്തീകരിക്കും.കർഷകർ AIMS പോർട്ടലിൽ ഓൺലൈനായി അപേക്ഷ സമർപ്പിക്കേണ്ടതാണ്. നഷ്ടപരിഹാര തുക അവരുടെ അക്കൗണ്ട് മുഖേന ലഭ്യമാകുമെന്ന് എം എൽ എ അറിയിച്ചു.
