കോതമംഗലം : അന്താരാഷ്ട്ര ഒളിമ്പിക് ദിനാഘോഷത്തിനോട് അനുബന്ധിച്ച് എറണാകുളം ജില്ല ഒളിമ്പിക് അസോസിയേഷന്റെ ആഭിമുഖ്യത്തിൽ കോതമംഗലം എം. എ കോളേജിൽ നിന്ന് ദീപ ശിഖ പ്രയാണം ആരംഭിച്ചു. ലോകമെമ്പാടും ആർഭാടത്തോടെയും ആരവത്തോടെയും നടത്തിയിരുന്ന ചടങ്ങ് സർക്കാരിന്റെ കോവിഡ് പ്രോട്ടോകോൾ പാലിച്ച് വളരെ ലളിതമായിട്ടാണ് നടത്തിയത്.
എം എ കോളേജ് സ്പോർട്സ് അക്കാദമി ചെയർമാനും,കോളേജ് അസോസിയേഷൻ സെക്രട്ടറിയുമായ ഡോ.വിന്നി വർഗീസ് , കേരള ഒളിമ്പിക് അസോസിയേഷൻ എക്സിക്യൂട്ടീവ് വൈസ് പ്രസിഡന്റ് പി മോഹൻദാസിന് ദീപ ശിഖ കൈമാറി ഒളിമ്പിക് ദിനാഘോഷത്തിന് തുടക്കം കുറിച്ചു.
ജില്ല ഒളിമ്പിക് അസോസിയേഷൻ അഡ് ഹോക് കമ്മിറ്റി അംഗങ്ങളായ പ്രൊഫ.ബാബു പി ഐ, ജോയി പോൾ, സജിവ് നായർ, എം എ കോളേജ് കായിക വിഭാഗം മേധാവി ഹാരി ബെന്നി, ദേശിയ,സംസ്ഥാന,ജില്ലാതല കായിക താരങ്ങളും പങ്കെടുത്തു.
