നേര്യമംഗലം: പൈസക്ക് പെരുമ്പാമ്പിനെ ഇറച്ചി തരാം എന്ന് വിശ്വസിപ്പിക്കുകയും ചേരയെ തല്ലിക്കൊന്ന് കറി വയ്ക്കുകയും, അതു വിൽക്കാൻ ശ്രമിക്കുകയും ചെയ്ത മരപ്പട്ടി ബിജു എന്ന വടക്കേ പറമ്പിൽ ബിജു വിനെ (35) രഹസ്യ വിവരം കിട്ടിയത് അനുസരിച്ച് നഗരംപാറ സ്റ്റേഷൻ സ്റ്റാഫും കോതമംഗലം റേൻജ് സ്റ്റാഫും കസ്റ്റഡിയിലെടുക്കുകയും ഉണ്ടായി. വീട്ട് വളപ്പിൽ നിന്നും ചേര പാമ്പിനെ പിടികൂടി അതിനെ കൊന്നു തോൽ ഉരിച്ചു കറി വയ്ക്കുകയും, വറക്കുകയും ഭക്ഷിക്കുകയും ചെയ്തു. മദ്യപിച്ചു കഴിഞ്ഞപ്പോൾ ഇത് പെരുമ്പാമ്പിന്റെ ഇറച്ചി എന്ന് വിശ്വസിപ്പിച്ചു വിൽക്കാൻ ശ്രമിക്കുകയും ചെയ്തു. ടിയാൻ OR 07/2018 വാളറ സ്റ്റേഷൻ തൊണ്ടി തടി മോഷണ കേസിലെയും നിരവധി ക്രിമിനൽ കേസിലെയും പ്രതിയാണ്. കറി വയ്ച്ചതും, വറത്തതും, തുകൽ, തല , വാൽ, പണ്ടം, എന്നിവ വീട്ടിൽ നിന്നും കണ്ടെടുക്കുകയും കോതമംഗലം റേൻജ് സ്റ്റാഫ് കേസ് രജിസ്റ്റർ ചെയ്യുകയും ചെയ്തിട്ടുണ്ട്.
മദ്യപിക്കുവാൻ പൈസ കണ്ടെത്തുവാൻ വേണ്ടിയാണ് ബിജു ഈ കുറ്റം ചെയ്തത് എന്ന് പറയുന്നു. വന്യ ജീവി സംരക്ഷണ നിയമം ഷെഡ്യൂൾ രണ്ട് പാർട് രണ്ടിൽ സംരക്ഷിത ഉരഗമാണ് ചേര പാമ്പ്. വന്യജീവി നിയമ പ്രകാരം ആണ് കേസ് എടുത്തിരിക്കുന്നത്. ജി ജി സന്തോഷ് DY RFO, അനിൽ ഘോഷ് SFO, മധു ദാമോദരൻ, പി എൻ ജയൻ, കെ പി മുജീബ്, കെ എം അലികുഞ്, ഷിബു എന്ന BFO മാർ എന്നിവർ ഓപ്പറേഷനിൽ പങ്കെടുത്തു.
