കോതമംഗലം : രണ്ടാഴ്ച്ച മുൻപ് നെല്ലിക്കുഴിക്ക് സമീപം പ്രവർത്തിക്കുന്ന ഡേ കെയർ സെന്ററിൽ വെച്ച് ബാലികയെ പീഡിപ്പിക്കാൻ ശ്രമിച്ച കൗമാരക്കാരനെ പോലീസ് പിടികൂടി നിയമനടപടികൾക്ക് വിധേയമാക്കിയിരുന്നു. അതിനെത്തുടർന്ന് സമീപ പ്രദേശത്തുള്ള ചിലർ സോഷ്യൽ മീഡിയ വഴി ഈ സംഭവത്തിന് വൻ പ്രചാരം നൽകുകയായിരുന്നു. ഇന്ത്യൻ ശിക്ഷാ നിയമത്തിലെ ജുവനൈൽ ജസ്റ്റിസ് ആക്റ്റ് പ്രകാരം പ്രായപൂർത്തിയാകാത്ത കുറ്റാരോപിതരുടെയും , വ്യക്തികളുടെയും പേര് വിവരങ്ങൾ പ്രചരിപ്പിക്കുന്നത് ശിഷാർഘമാണ്. ബാലികയുടെ പേര് വിവരങ്ങൾ പൊതുസമൂഹത്തിന് മനസ്സിലാകുന്ന രീതിയിൽ വീഡിയോ എടുത്ത് സോഷ്യൽ മീഡിയ വഴി പ്രചരിപ്പിച്ച നെല്ലിക്കുഴി സ്വദേശി അജ്മലിനെ കോതമംഗലം പോലീസ് ഇന്ന് അറസ്റ്റ് ചെയ്തു. സാമൂഹിക മാധ്യമങ്ങൾ ദുരുപയോഗം ചെയ്യുവാൻ പ്രതി ഉപയോഗിച്ച മൊബൈൽ ഫോൺ പോലീസ് പിടിച്ചെടുത്തു. യുവാക്കളുടെ നേതൃത്വത്തിൽ ഇരുമലപ്പടിയിൽ നിന്നും നെല്ലിക്കുഴി വഴി കോതമംഗലത്തേക്ക് ബൈക്ക് റാലി നടത്തുന്നു എന്ന രീതിയിൽ പ്രചരിപ്പിച്ചർക്കതിരെയും കേസ് രെജിസ്റ്റർ ചെയ്യുമെന്ന് പോലീസ് അറിയിച്ചു.
You must be logged in to post a comment Login