കോതമംഗലം ; നെല്ലിക്കുഴിയില് സ്വകാര്യ വെക്തി പാറമടയില് ലോഡ് കണക്കിന് മാലിന്യം തളളിയ സംഭവത്തില് ജില്ലാകളക്ടറുടെ നിര്ദ്ദേശപ്രകാരം ആര് ഡി ഒ മാലിന്യ കേന്ദ്രം സന്ദര്ശിച്ചു.കോതമംഗലം എം എല് എ ആന്റണി ജോണ് തഹസീല്ദാര് കെ.എം നാസ്സര്,ഗ്രാമപഞ്ചായത്ത് പ്രസിഡന്റ് പി.എം മജീദ് തുടങ്ങിയവരുടെ നേതൃത്വത്തില് ആണ് ആര് ഡി ഒ എം വി സുരേഷ് സ്ഥലം സന്ദര്ശിച്ചത്. കഴിഞ്ഞ ദിവസം നെല്ലിക്കുഴി ഗ്രാമപഞ്ചായത്ത് പ്രസിഡന്റ് പി.എം മജീദിന്റെ നേതൃത്വത്തില് കളക്ടറെ നേരില് സന്ദര്ശിച്ച് പരാതി നല്കിയതിനെ തുടര്ന്നാണ് മുവാറ്റുപുഴ ആര് ഡി ഒ എം വി സുരേഷിന് മാലിന്യ കേന്ദ്രം സന്ദര്ശിച്ച് നടപടി എടുക്കാന് ജില്ലാകളക്ടര് നിര്ദ്ദേശം നല്കിയത്.
രണ്ടാം വാര്ഡില് സ്വകാര്യ വെക്തിയുടെ വിജനമായ പാറമടയില് നൂറ് കണക്കിന് ലോഡ് ആശുപത്രിമാലിന്യങ്ങളും അറവ് , മത്സ്യ മാലിന്യങ്ങള് അടക്കം ജില്ലയുടെ ഇതര ഭാഗങ്ങളില് നിന്നായി ആരുമറിയാതെ രാത്രി കാലങ്ങളില് ഈ പാറമടയില് കൊണ്ടുവന്ന് തളളിയിരുന്നത്.ഇതോടെ പാറമടയില് നിന്നുളള ജലം തൊട്ടടുത്തുളള കുടിവെളള സംഭരണിയിലേക്കും ജല സ്രോതസുകളിലേക്കും ഒഴുകുകയും ശക്തമായ ദുര്ഗന്ധം പരിസരങ്ങളില് നിറഞ്ഞതോടെയാണ് പ്രദേശവാസികളുടെ അന്വേഷണത്തില് പാറമടയില് കാലങ്ങളായി മാരക രോഗങ്ങള്ക്ക് കാരണമാകുന്ന രാസമാലിന്യങ്ങളും അറവ് മാലിന്യങ്ങളും പണം വാങ്ങി സ്വകാര്യ വെക്തി പാറമടയില് നിക്ഷേപിക്കുന്നതായുളള വിവരം പുറത്ത് വന്നത്. ഇതോടെ നാട്ടുകാര് ശക്തമായ നടപടി ആവശ്യപെട്ട് രംഗത്ത് വരികയും ഗ്രാമപഞ്ചായത്തിനെ വിവരം അറിയിച്ചതിനെ തുടര്ന്ന് പാറമടയില് മാലിന്യം നിക്ഷേപിക്കുന്നത് തടയാന് ആവശ്യപെട്ട് സ്ഥലം ഉടമയ്ക്ക് സ്റ്റോപ് മെമ്മോ നല്കിയെങ്കിലും ഇതിനെ മറികടന്ന് വീണ്ടും സ്ഥലത്ത് മാലിന്യം നിക്ഷേപിച്ചതായി പരാതി ലഭിച്ചതായി പഞ്ചായത്ത് പ്രസിഡന്റ് പി.എം മജീദ് പറഞ്ഞു.
ഇതിനെ തുടര്ന്ന് റവന്യു പോലീസ്,ആരോഗ്യ വകുപ്പിനെ ഉപയോഗപെടുത്തി മാലിന്യ പ്രശ്നത്തിന് പരിഹാരം കാണാന് ശ്രമം നടത്തുകയാണുണ്ടായത്. പ്രദേശ വാസികളുടെ കുടിവെളളം അടക്കം മലിനമാക്കിയ ഈ നടപടി ആര്ക്കും അംഗീകരിക്കാന് കഴിയാത്തതാണന്നും മാലിന്യങ്ങള് നീക്കാനാവശ്യമായ നടപടി ഉറപ്പ് വരുത്തണമെന്നും കോതമംഗലം എം എല് എ ആന്റണി ജോണ് ആര് ഡി ഒയോട് ആവശ്യ പെട്ടു തഹസീല്ദാര് കെ.എം നാസര് മറ്റ് ജനപ്രതിനിധികള് രാഷ്ട്രീയ രംഗത്തെ പ്രമുഖര് പ്രദേശവാസികള് അടക്കം മാലിന്യ കേന്ദ്രത്തിന്റെ ശോചനീയവസ്ഥ ആര് ഡി ഒ ക്ക് കാണിച്ച് കൊടുത്തു .നാളെ മുതല് ഏഴ് ദിവസത്തിനുളളില് മാലിന്യം നീക്കം ചെയ്യാന് സ്ഥലമുടമയ്ക്ക് നോട്ടീസ് നല്കാന് നടപടി സ്വീകരിച്ചതായും ചട്ടപ്രകാരം കേസെടുത്തതായും ആര് ഡി ഒ എം വി സുരേഷ് അറിയിച്ചു.
