CHUTTUVATTOM
‘എനിച്ചും അറിയാ മാജിക്’: ഭിന്നശേഷിക്കാരുടെ ഹൃദയം കവർന്ന് ഗോപിനാഥ് മുതുകാട് പീസ് വാലിയിൽ

കോതമംഗലം : ‘എനിച്ചും അറിയാ മാജിക്’ കയ്യിൽ ചുരുട്ടി പിടിച്ച പേപ്പറുമായി അമ്മയോടൊപ്പം സ്റ്റേജിലേക്ക് എത്തിയ ശ്രേയസിന്റെ ഈ വാക്കുകൾ കേട്ട് പ്രശസ്ത മജീഷ്യൻ ഗോപിനാഥ് മുതുകാട് ഒന്നമ്പരന്നു..
പേപ്പർ കുഴൽ പോലെ ആക്കി ‘എന്തെങ്കിലും കാണുന്നുണ്ടോ’ എന്നായി അടുത്ത ചോദ്യം.
ഇല്ല എന്നു സദസ്സ് ഒന്നടങ്കം പറഞ്ഞ നിമിഷം വർണ്ണ റിബൺ പേപ്പർ ചുരുളിൽ നിന്നും പുറത്തെടുത്ത ശ്രേയസിന്റെ പ്രകടനം ഏവരെയും അത്ഭുതപെടുത്തി.
ശ്രേയസിനെ വാരിയെടുത്ത ഗോപിനാഥ് മുതുകാട് നെറുകയിലും കവിളിലും ഉമ്മകൾ നൽകി ചേർത്തു പിടിച്ചു. കോതമംഗലം പീസ് വാലിയിലെ ഭിന്നശേഷിയുള്ള കുട്ടികൾക്കായുള്ള ഏർലി ഇന്റർവെൻഷൻ സെന്ററ്റിന്റെ കുടുംബ സംഗമത്തിലായിരുന്നു ഈ ഹൃദ്യമായ കാഴ്ചകൾ. ഗോപിനാഥ് മുതുകാട് കുടുംബ സംഗമത്തിന്റെ ഉത്ഘാടനം നിർവഹിച്ചു. ഭിന്നശേഷിക്കാരെ ചേർത്തുപിടിക്കുക എന്നത് സാമൂഹിക ഉത്തരവാദിത്തമാണ് എന്ന തിരിച്ചറിവിന്റെ മനോഭാവത്തിലേക്ക് സമൂഹ മനസാക്ഷി മാറേണ്ടതുണ്ട് എന്ന് അദ്ദേഹം അഭിപ്രായപ്പെട്ടു.
ഭിന്നശേഷിക്കാരെ പ്രത്യേകമായി പരിഗണിക്കാതെ, സ്വഭാവികമായി ഉൾചേർക്കുന്ന വിദ്യാഭ്യാസ രീതിയാണ് വരും നാളുകളിൽ വേണ്ടത് എന്നു അദ്ദേഹം കൂട്ടി ചേർത്തു.
പീസ് വാലിയുടെ പ്രവർത്തനങ്ങൾ ഭാവി കേരളത്തിന് മാതൃകയാണെന്ന് അദ്ദേഹം പറഞ്ഞു.വളർച്ചാപരമായ വെല്ലുവിളികൾ നേരിടുന്ന കുട്ടികളുടെ പ്രശ്നങ്ങൾ നേരത്തെ കണ്ടെത്തി ശാസ്ത്രീയമായ ചികിത്സകളിലൂടെ കുട്ടികളെ സാധാരണ സ്കൂൾ വിദ്യാഭ്യാസത്തിന് പ്രാപ്തരാക്കുന്ന സംവിധാനമാണ് ഏർലി ഇന്റർവെൻഷൻ സെന്റർ.
വിദേശങ്ങളിൽ പ്രചാരത്തിലുള്ള ഈ പ്രാരംഭ ഇടപെടൽ രീതി കേരളത്തിൽ പരിചിതമാകുന്നേ ഉള്ളൂ.
കുട്ടികൾക്കാവശ്യമായ എല്ലാ തെറാപ്പികളും ഒരു കുടക്കീഴിൽ ശാസ്ത്രീയമായി സംവിധാനിച്ചിട്ടുണ്ട്.
പൂജ്യം മുതൽ 6 വയസ്സു വരെയുള്ള കുട്ടികൾക്കാണ് സ്ഥാപനത്തിന്റെ സേവനങ്ങൾ ലഭ്യമാകുന്നത്.
ഡെവലപ്പ്മെന്റൽ പീഡിയട്രിഷ്യന്റെ വിശദമായ പരിശോധനനായാണ് ചികിത്സയുടെ ആദ്യ പടി.
ഡോക്ടർ തയ്യാറാക്കുന്ന ആക്ഷൻ പ്ലാൻ നടപ്പിലാക്കുന്നത് എഴോളം വ്യത്യസ്ത തെറാപ്പിസ്റ്റുകൾ അടങ്ങുന്ന ടീം ആണ്.
ക്ലിനിക്കൽ സൈക്കോളജിസ്റ്റ്,
ഒക്കുപേഷണൽ തെറാപ്പിസ്റ്റ്,
സ്പീച് തെറാപ്പിസ്റ്റ്,
സ്പെഷ്യൽ എഡ്യൂക്കേറ്റർ,
ഏർലി ഇന്റർവെൻഷനിസ്റ്റ്,
സൈക്യാട്രിക് സോഷ്യൽ വർക്കർ എന്നിവരടങ്ങുന്ന സംഘമാണ് ചികിത്സ നൽകുന്നത്.
ഓഡിയോളജി ലാബ്, ബേബി എമർജൻസി റൂം,
മൾട്ടി സെൻസറി റൂം, ഓഡിയോ വിഷ്വൽ റൂം,
പ്രിപ്പരെട്ടറി ക്ലാസ്സ് റൂം, ഏർലി ഇന്റർവെൻഷൻ റൂം, ഏർലി സ്റ്റിമുലേഷൻ റൂം, റെമഡിയൽ ക്ലാസ്സ് റൂം എന്നിവയാണ് സജ്ജീകരിച്ചിരിക്കുന്നത്.
ഇക്കഴിഞ്ഞ ജനുവരിയിൽ ആരംഭിച്ച ഏർലി ഇന്റർവെൻഷൻ സെന്ററിൽ വളർച്ചപരമായ പ്രത്യേകതകൾ നേരിടുന്ന 96 കുട്ടികളാണ് വ്യത്യസ്ത തെറാപ്പികൾക്ക് വിധേയരാകുന്നത്.
പണമില്ലാത്തതിനാൽ വളർച്ചാപരമായ വെല്ലുവിളികൾ നേരിടുന്ന കുഞ്ഞുങ്ങൾക്ക് ചികിത്സ നിഷേധിക്കപെടരുത് എന്ന ലക്ഷ്യം മുൻനിറുത്തി പൂർണ്ണമായും സൗജന്യമായാണ് സ്ഥാപനത്തിന്റെ പ്രവർത്തനം.
തൃശൂരിലെ നാഷണൽ ഇൻസ്റ്റിറ്റ്യൂട്ട് ഓഫ് ഫിസിക്കൽ മെഡിസിൻ ആൻഡ് റീഹാബിലിറ്റിഷൻ കേന്ദ്രത്തിലെ ഓട്ടിസം സ്കൂൾ കോ ഓർഡിനേറ്റർ പി നീതു രക്ഷിതാക്കൾക്കായി നടത്തിയ പഠന സെഷൻ ശ്രേദ്ദേയമായി.
പീസ് വാലി ചെയർമാൻ പി എം അബൂബക്കർ ചടങ്ങിൽ അധ്യക്ഷനായിരുന്നു.
ഉപാധ്യക്ഷാരായ സീമ ജി നായർ,രാജീവ് പള്ളുരുത്തി, കെ എ ഷമീർ എന്നിവർ സംസാരിച്ചു.
കോതമംഗലം നെല്ലിക്കുഴിയിൽ പത്തേക്കർ സ്ഥലത്ത് പ്രവർത്തിക്കുന്ന പീസ് വാലിക്ക് കീഴിൽ അഗതി മന്ദിരം, പാലിയേറ്റീവ് കെയർ, ഡയാലിസിസ്, കീമോ തെറാപ്പി, ഫിസിയോ തെറാപ്പി, ആസ്റ്റാറുമായി സഹകരിച്ചുള്ള മൊബൈൽ മെഡിക്കൽ ക്ലിനിക് എന്നീ സംവിധാനങ്ങൾ പ്രവർത്തിക്കുന്നുണ്ട്.
ചിത്രം : എനിച്ചും അറിയാ മാജിക്.. പീസ് വാലി ഏർലി ഇന്റർവെൻഷൻ സെന്ററിലെ കുടുംബ സംഗമത്തിൽ വിദ്യാർത്ഥിയായ ശ്രേയസ് ജോസഫ് അവതരിപ്പിക്കുന്ന മാജിക് ആസ്വദിക്കുന്ന മുഖ്യ അതിഥി ഗോപിനാഥ് മുതുകാട്. രാജീവ് പള്ളുരുത്തി, സീമ ജി നായർ, പി എം അബൂബക്കർ, പി നീതു എന്നിവർ സമീപം.
CHUTTUVATTOM
ജനാധിപത്യത്തെ കശാപ്പു ചെയ്യുന്ന മോഡി സർക്കാരിനെതിരെ യൂത്ത് കോൺഗ്രസ് കോതമംഗലത്ത് പന്തംകൊളുത്തി പ്രകടനം നടത്തി

കോതമംഗലം : രാഹുൽ ഗാന്ധിയുടെ കൂറ്റൻ ചിത്രം വഹിച്ചായിരുന്നു പ്രകടനം. കെ പി സി സി മെമ്പർ ശ്രീ എ.ജി ജോർജ് പ്രതിഷേധ പരിപാടി ഉദ്ഘാടനം ചെയ്തു സംസാരിച്ചു. യൂത്ത് കോൺഗ്രസ് മണ്ഡലം പ്രസിഡന്റ് അഡ്വ ജോർജ് ജോസ് അധ്യക്ഷത വഹിച്ച ചടങ്ങിൽ യൂത്ത് കോൺഗ്രസ് ജില്ലാ ജനറൽ സെക്രട്ടറി ശ്രീ റഫീഖ് വെണ്ടുവഴി, കെ എസ് യു സംസ്ഥാന സെക്രട്ടറി ശ്രീ അനൂപ് ഇട്ടൻ, യൂത്ത് കോൺഗ്രസ് ഭാരവാഹികളായ ലിനോ മങ്കുത്താൻ, ബേസിൽ തണ്ണിക്കോട്ട്, ജയിൻ ജോസ്, മുജിതബ് മുഹമ്മദ്,ബാബു വർഗീസ്, രാഹുൽ കെ.ആർ, ബെർട്ടിൻ ജോയി, വിജിത് വിജയൻ, അനൂസ് ജോൺ, അരുൺ അയ്യപ്പൻ, അജീബ് ഇരമല്ലൂർ, ബേസിൽ, നൗഫൽ കെ.എം,അക്ഷയ് വിജയ്, ബിബിൻ ബേബി, വർഗീസ് മാപ്ലക്കുടി, ഷിന്റോ പി. തോമസ്, റ്റിജോ പോൾ, സിറിയക് ജോസ്, എൽദോസ് കട്ടങ്ങാനാൽ,സണ്ണി നിരപ്പേൽ, അലി പടിഞ്ഞാറേചാലിൽ, സത്താർ വട്ടകുടി, സലിം മംഗലപാറ, അനൂപ് ജോർജ്, ബഷീർ എന്നിവർ പങ്കെടുത്തു.
CHUTTUVATTOM
എം.എ.കോളേജിൽ യാത്രയയപ്പ് സമ്മേളനം

കോതമംഗലം: കോതമംഗലം മാർ അത്തനേഷ്യസ് കോളേജിൽ നിന്ന് ദീർഘകാലത്തെ സേവനം പൂർത്തിയാക്കി വിരമിക്കുന്ന സോഷ്യോളജി വിഭാഗം അസോസിയേറ്റ് പ്രൊഫസർ ഡോ. മൃദുല വേണുഗോപാൽ എസ്, അഡ്മിനിസ്ട്രേറ്റീവ് ഓഫീസ് സീനിയർ ക്ലാർക്ക് റ്റിറ്റി ജേക്കബ് എന്നിവർക്ക് യാത്രയയപ്പു നൽകി.കോളേജിലെ ബസേലിയോസ് പൗലോസ് ഇൻഡോർ സ്റ്റേഡിയത്തിൽ ചേർന്ന പ്രൗഢഗംഭീരമായ യോഗത്തിൽ എം.എ.കോളേജ് അസോസിയേഷൻ സെക്രട്ടറി ഡോ. വിന്നി വറുഗീസ് അധ്യക്ഷത വഹിച്ചു.പ്രമുഖ ഗാന്ധിയനും, ഗ്രന്ഥകാരനും,എം.ജി സർവകലാശാല സ്കൂൾ ഓഫ് ഗാന്ധിയൻ തോട്ട് ആൻഡ് ഡവലപ്മെന്റ് സ്റ്റഡീസ് മുൻ ഡയറക്ടറുമായ പ്രൊഫ. ഡോ. എം. പി. മത്തായി മുഖ്യ പ്രഭാഷണം നടത്തി. സോഷ്യോളജി വിഭാഗം മേധാവി ഡോ. ഡയാന മാത്യൂസ് സ്വാഗതവും, കോളേജ് പ്രിൻസിപ്പൽ ഡോ. മഞ്ജു കുര്യൻ പ്രധാന സന്ദേശവും നൽകി.വിരമിക്കുന്നവർക്കുള്ള ഉപഹാര സമർപ്പണം എം. എ. കോളേജ് അസോസിയേഷൻ സെക്രട്ടറി ഡോ. വിന്നി വറുഗീസ് നിർവഹിച്ചു.യോഗത്തിൽ റിട്ട. ടിച്ചേഴ്സ് ഫോറം സെക്രട്ടറി പ്രൊഫ.കെ. എം. കുര്യക്കോസ്, റിട്ട.നോൺ ടീച്ചിങ് സ്റ്റാഫ് പ്രതിനിധി ടി. ജി. ഹരി, ജൂനിയർ സൂപ്രണ്ട് വി.ഇ. ദീപു , കോളേജ് യൂണിയൻ ചെയർപേഴ്സൺ പവിത്ര. കെ. ആർ എന്നിവർ ആശംസകൾ നേർന്ന് സംസാരിച്ചു.
ചിത്രം :എം. എ. കോളേജിൽ നിന്ന് ദീർഘകാലത്തെ സേവനത്തിനുശേഷം വിരമിക്കുന്ന സോഷ്യോളജി വിഭാഗം അസോസിയേറ്റ് പ്രൊഫസർ ഡോ. മൃദുല വേണുഗോപാലിനു കോളേജ് അസോസിയേഷൻ സെക്രട്ടറി ഡോ. വിന്നി വറുഗീസ് ഉപഹാരം സമർപ്പിക്കുന്നു. കോളേജ് പ്രിൻസിപ്പൽ ഡോ. മഞ്ജു കുര്യൻ, പ്രൊഫ. ഡോ. എം. പി. മത്തായി, പ്രൊഫ. കെ. എം. കുര്യക്കോസ്, ഡോ. ഡയാന മാത്യൂസ്, ടി. ജി. ഹരി, വി. ഇ. ദീപു, പവിത്ര കെ. ആർ എന്നിവർ സമിപം
CHUTTUVATTOM
നിയമപരമായി പ്രവര്ത്തിക്കുന്ന ഓണ്ലൈന് ചാനലുകള്ക്ക് സര്ക്കാര് അംഗീകാരം നല്കണം ; ചീഫ് എഡിറ്റേഴ്സ് ഗില്ഡ്

അങ്കമാലി : നിയമപരമായി പ്രവര്ത്തിക്കുന്ന ഓണ്ലൈന് മാധ്യമങ്ങള്ക്ക് സര്ക്കാര് അംഗീകാരം നല്കണമെന്നും മാധ്യമപ്രവര്ത്തകര്ക്ക് അക്രഡിറ്റേഷന് നല്കണമെന്നും ഓണ്ലൈന് മീഡിയാ ചീഫ് എഡിറ്റേഴ്സ് ഗില്ഡ് ആവശ്യപ്പെട്ടു. കേന്ദ്ര വാര്ത്താ വിതരണ പ്രക്ഷേപണ മന്ത്രാലയം നല്കുന്ന നിര്ദ്ദേശങ്ങള് പാലിച്ചുകൊണ്ടും പുതിയ ഐ.ടി നിയമം അനുസരിച്ചുമാണ് ഓണ്ലൈന് ന്യൂസ് പോര്ട്ടലുകള് പ്രവര്ത്തിക്കുന്നത്. എന്നാല് സംസ്ഥാന സര്ക്കാര് ഓണ്ലൈന് ചാനലുകളെ അകറ്റിനിര്ത്തുന്ന നടപടിയാണ് സ്വീകരിച്ചിട്ടുള്ളത്. വാര്ത്തകള് അതിവേഗം ജനങ്ങളിലേക്ക് എത്തിക്കുന്ന ഓണ്ലൈന് ചാനലുകള്ക്ക് അംഗീകാരം നല്കുന്ന നടപടി സംസ്ഥാന സര്ക്കാര് ത്വരിതപ്പെടുത്തണം. നിയമപരമായി പ്രവര്ത്തിക്കുന്ന ഓണ്ലൈന് ചാനലുകളിലെ മാധ്യമപ്രവര്ത്തകര്ക്ക് അക്രഡിറ്റേഷന് നല്കണമെന്നും ഓണ്ലൈന് മാധ്യമ മാനേജ്മെന്റ്കളുടെ സംഘടനായ ഓണ്ലൈന് മീഡിയാ ചീഫ് എഡിറ്റേഴ്സ് ഗില്ഡ് ആവശ്യപ്പെട്ടു.
ചീഫ് എഡിറ്റേഴ്സ് ഗില്ഡിന്റെ ദ്വൈവാര്ഷിക പൊതുയോഗവും തെരഞ്ഞെടുപ്പും അങ്കമാലി ജീബീ പാലസ് ഹോട്ടലില് നടന്നു. പ്രസിഡന്റ് പ്രകാശ് ഇഞ്ചത്താനം അധ്യക്ഷത വഹിച്ചു. ജനറല് സെക്രട്ടറി ജോസ് എം.ജോര്ജ്ജ് റിപ്പോര്ട്ടും ട്രഷറര് വിനോദ് അലക്സാണ്ടര് വരവുചെലവ് കണക്കുകളും അവതരിപ്പിച്ചു. ചീഫ് എഡിറ്റേഴ്സ് ഗില്ഡിന്റ പുതിയ ഭാരവാഹികളായി പ്രസിഡന്റ് – പ്രകാശ് ഇഞ്ചത്താനം (പത്തനംതിട്ട മീഡിയാ), ജനറല് സെക്രട്ടറി – ജോസ് എം.ജോര്ജ്ജ് (കേരളാ ന്യൂസ്), ട്രഷറര് – വിനോദ് അലക്സാണ്ടര് (വി.സ്ക്വയര് ടി.വി), വൈസ് പ്രസിഡന്റ്മാര് – അഡ്വ.സിബി സെബാസ്റ്റ്യന് (ഡെയിലി ഇന്ത്യന് ഹെറാള്ഡ്), എമില് ജോണ് (കേരളാ പൊളിറ്റിക്സ്), സെക്രട്ടറിമാര് – ശ്രീജിത്ത് എസ് (റൌണ്ടപ്പ് കേരള), രവീന്ദ്രന് ബി.വി (കവര് സ്റ്റോറി), കമ്മിറ്റി അംഗങ്ങള് – സജിത്ത് ഹിലാരി (ന്യൂസ് ലൈന് കേരളാ 24), അജിതാ ജെയ് ഷോര് (മിഷന് ന്യൂസ്) എന്നിവരെ തെരഞ്ഞെടുത്തു. ഷമീര് ഇ.കെ (കേരളാ ടൈംസ്), ഷഫ്ന പി.എ (കേളി ന്യൂസ്) എന്നിവര് ആശംസകള് അര്പ്പിച്ചു.
മാര്ച്ച് – ഏപ്രില് മാസങ്ങളില് മെമ്പര്ഷിപ്പ് കാംപെയില് നടത്തുമെന്ന് ഭാരവാഹികള് പറഞ്ഞു. കേന്ദ്ര നിയമങ്ങളും ചട്ടങ്ങളും പാലിച്ചുകൊണ്ട് പ്രവര്ത്തിക്കുന്ന ഓണ്ലൈന് ചാനലുകള്ക്ക് ഈ കാലയളവില് അംഗത്വം നല്കും. ചീഫ് എഡിറ്റേഴ്സ് ഗില്ഡിന്റെ വെബ് സൈറ്റില് (www.chiefeditorsguild.com) ഇതിനുള്ള സൗകര്യം ഒരുക്കിയിട്ടുണ്ട്. വാര്ത്തകള് നല്കിയതിന്റെ പേരിലുള്ള ഭീഷണികള് ഒറ്റക്കെട്ടായി നേരിടുമെന്നും അംഗങ്ങള്ക്ക് നിയമസഹായം ഉറപ്പാക്കുമെന്നും ഭാരവാഹികള് പറഞ്ഞു.
-
ACCIDENT3 days ago
ബസും സ്കൂട്ടറും കൂട്ടിയിടിച്ച് യുവതി മരിച്ചു.
-
ACCIDENT5 days ago
കാറും ബൈക്കും കൂട്ടിയിടിച്ചു: യുവാവിന് പരിക്ക്
-
CRIME5 days ago
പെൺകുട്ടി മാത്രമുള്ള സമയം വീട്ടിൽ അതിക്രമിച്ച് കയറി ഉപദ്രവിച്ച പല്ലാരിമംഗലം സ്വദേശി അറസ്റ്റിൽ
-
NEWS1 week ago
കോതമംഗലത്ത് രണ്ടിടങ്ങളിൽ തീ പിടുത്തം : ജാഗ്രത പുലർത്തണമെന്ന് അഗ്നി രക്ഷാ സേന
-
NEWS1 week ago
കുട്ടമ്പുഴ – കീരംപാറ പഞ്ചായത്തുകളിൽ ബഫർ സോൺ പരിധികളിൽ 1031 നിർമ്മിതികൾ കണ്ടെത്തിയതായി വനം വകുപ്പ് മന്ത്രി
-
CRIME4 days ago
കാപ്പാ ഉത്തരവ് ലംഘിച്ച നിരന്തര കുറ്റവാളിയെ അറസ്റ്റ് ചെയ്തു
-
NEWS2 days ago
തങ്കളം – കോഴിപ്പിള്ളി ന്യൂ ബൈപ്പാസ് രണ്ടാം ഘട്ട രണ്ടാം റീച്ചിന്റെ നിർമ്മാണ പ്രവർത്തനങ്ങൾ ആരംഭിച്ചു.
-
CRIME3 days ago
കാപ്പാ ഉത്തരവ് ലംഘിച്ച നിരന്തര കുറ്റവാളിയായ കോതമംഗലം സ്വദേശിയെ അറസ്റ്റ് ചെയ്തു