നെല്ലിക്കുഴി: കോവിഡ് 19 മഹാമാരി വ്യാപാര മേഖലയെ കടുത്ത പ്രതിസന്ധിയിലാക്കുമ്പോൾ കച്ചവടക്കാര്‍ക്ക് ആശ്വാസം നല്‍കി 50% വാടക ഇളവ് പ്രഖ്യാപിച്ച് മാതൃക കാട്ടി നേതാക്കള്‍.
മഹാമാരിയെ തുടര്‍ന്ന് ദുരിതത്തിലായ കച്ചവടക്കാര്‍ക്ക് കോണ്‍ഗ്രസ് നേതാവും കെട്ടിട ഉടമയുമായ കെ.എം മുഹമ്മദ് ,ഏകോപന സമിതി നേതാവും കെട്ടിട ഉടമയുമായ സി.ബി അബ്ദുല്‍ കരീം എന്നിവരാണ് 50% വാടക ഇളവ് പ്രഖ്യാപിച്ച് മാതൃക കാട്ടിയത്.
പ്രതിസന്ധി മുറികിയതോടെ ഇരു വ്യാപാര സംഘടനകളും സംയുകതമായി നെല്ലിക്കുഴിയില്‍ വിളിച്ച് ചേര്‍ത്ത അവലോകന യോകത്തിലാണ് ഇരു നേതാക്കളും കേരളത്തിന് തന്നെ മാതൃകയാകുന്ന ഈ തീരുമാനം പ്രഖ്യാപിച്ചത്. ഏതായാലും നൂറ്കണക്കിന് വ്യാപാരികള്‍ ഉളള നെല്ലിക്കുഴിയില്‍ ഇവര്‍ എടുത്ത മാതൃക പ്രവര്‍ത്തനത്തിന് സോഷ്യല്‍ മീഡിയ നിറയെ ഇവര്‍ക്ക് അഭിനന്ദനം അറിയിക്കുകയാണ്.
