കോതമംഗലം രൂപത ലോക ലഹരി വിരുദ്ധ ദിനാചരണവും “സജീവം” ലഹരി വിരുദ്ധ ക്യാബെയിനും നടത്തി.

കോതമംഗലം : കാരിത്താസ് ഇന്ത്യയുടെയും കേരള സോഷ്യൽ സർവ്വീസ് ഫോറത്തിന്റെയും മദ്യവി സമിതിയുടെയും നേതൃത്വത്തിൽ കേരളത്തിലെ 32 രൂപതകളിലും നടപ്പിലാക്കുന്ന ” സജീവം ” ലഹരി വിരുദ്ധ ക്യാമ്പെയിന്റെ ഭാഗമായി കോതമംഗലം രൂപത സോഷ്യൽ സർവ്വീസ് സൊസൈറ്റിയും സെൻറ് ജോർജ് ഹയർസെക്കന്ററി സ്കൂളും സംയുക്തമായി ലോക ലഹരി വിരുദ്ധാദിനാചരണം സംഘടിപ്പിച്ചു . കോതമംഗലം സെൻറ് ജോർജ് ഹയർ സെക്കന്ററി സ്കൂളിൽ നടന്ന സമ്മേളനത്തിൽ സ്കൂൾ മാനേജർ റവ.ഡോ. തോമസ് ചെറുപറമ്പിൽ അധ്യക്ഷത വഹിച്ചു .കോതമംഗലം എക്സൈസ് സർക്കിൾ ഇൻസ്പെക്ടർ പി. ശ്രീരാജ് ഉദ്ഘാടനം ചെയ്തു .മുൻ ഇന്ത്യൻ വോളിബോൾ ടീം ക്യാപ്റ്റൻ V A മെയ്ദീൻ നൈന മുഖ്യ പ്രഭാഷണം നടത്തി. സജീവം പോസ്റ്റർ അദ്ദേഹം റിലീസ് ചെയ്തു. കോതമംഗലം രൂപത സോഷ്യൽ സർവ്വീസ് സൊസൈറ്റി ഡയറക്ടർ ഫാ.ജോർജ് പൊട്ടയ്ക്കൽ ആമുഖ സന്ദേശം നൽകി. ഹെഡ്മാസ്റ്റർ സോജൻ മാത്യു ,പ്രിൻസിപ്പാൽ ബിജു ജോസഫ് , KSSS പ്രോഗ്രാം കോ-ഓഡിനേറ്റർ ജോൺസൻകറുകപ്പിള്ളിൽ , AKCC രൂപത ട്രഷറാർ ജോയി പോൾ , എന്നിവർ പ്രസംഗിച്ചു . വിദ്യാർത്ഥികൾ ലഹരി വിരുദ്ധ പ്രതിജ്ഞയെടുത്തു . യോഗത്തിൽ സാബു ആരക്കുഴയുടെ നേതൃത്വത്തിൽ വിദ്യാർത്ഥികൾ അവതരിപ്പിച്ച ലഹരി വിരുദ്ധബോധവൽക്കരണ നാടകവും അരങ്ങേറി.