കോതമംഗലം : ലഹരിയുടെ വഴി തടയാം, ലഹരിക്കെതിരെ ഒന്നിച്ച് പോരാടാം എന്ന സന്ദേശം ഉയർത്തി കൊണ്ട് മയക്കുമരുന്നിനെതിരെ കേരള പിറവി ദിനത്തിൽ കോതമംഗലം മാർ അത്തനേഷ്യസ് കോളേജിൽ ലഹരി വിരുദ്ധ മനുഷ്യ ചങ്ങലയും, പ്രതീകത്മകമായി ലഹരി ഭൂതത്തെ കത്തിക്കലും നടത്തി. രാവിലെ എം. എ കോളേജ് ജങ്ഷനിൽ നിന്നാരംഭിച്ച മനുഷ്യ ചങ്ങലയിൽ കോളേജിലെ വിദ്യാർഥികളും, അധ്യാപകരും, അനദ്ധ്യാപകരുംഅടക്കം ആയിരക്കണക്കിന് പേർ പങ്ക് ചേർന്നു.
കോതമംഗലം താലൂക്കിലെ ലഹരി വിരുദ്ധ ക്യാമ്പയിന്റെ സമാപനം കോതമംഗലം എക്സൈസ് വകുപ്പും എം എ കോളേജും സംയുക്തതമായി സംഘടിപ്പിച്ചു . ഉച്ചകഴിഞ്ഞു നടന്ന ചടങ്ങിൽ കോതമംഗലം എം എൽ എ ആന്റണി ജോൺ ലഹരി ഭൂതത്തിന് തീ കൊളുത്തി, ലഹരിക്കെതിരായ പ്രതിജ്ഞയും ചൊല്ലിക്കൊടുത്തു .
കോതമംഗലം എക്സൈസ് സർക്കിൾ ഇൻസ്പെക്ടർ ജോസ് പ്രതാപ്, പ്രിവന്റീവ് ഓഫീസർമാരായ കെ. എ. നിയാസ്, ജയ് മാത്യൂസ്, എ. ഇ. സിദിഖ്, സിവിൽ എക്സൈസ് ഓഫീസർമാരായ ഉമ്മർ, ശ്രീ ലക്ഷ്മി, എം എ കോളേജ് പ്രിൻസിപ്പൽ ഡോ ഡെൻസിലി ജോസ് , എൻ എസ് എസ് പ്രോഗ്രാം ഓഫീസർമാരായ ഡോ അൽഫോൻസ സി എ , ഡോ എൽദോസ് എ വൈ തുടങ്ങിയവർ നേതൃത്വം നൽകി .
