നിർമ്മാണ തൊഴിലാളികളുടെ പണവും മൊബൈലും മോഷ്ടിച്ചു: കോതമംഗലം പോലീസ് അന്വേഷണം ആരംഭിച്ചു

കോതമംഗലം : കോതമംഗലത്ത് കുത്തുകുഴിയിൽ നിർമ്മാണ തൊഴിലാളികളുടെ പണവും മൊബൈലും മോഷ്ടിക്കുന്നതിൻ്റെ ദൃശ്യങ്ങൾ ഇന്ന് ലഭിച്ചു. കുത്തുകുഴി ലൈഫ് കെയർ ഹോസ്പിറ്റലിന്റെ അടുത്തുള്ള കൺസ്ട്രക്ഷൻ സൈറ്റിൽ നിന്നു മാണ് പൈസയും മൊബൈലും മോഷണം പോയത്. രണ്ട് പേർ ഇരുചക്രവാഹനത്തിൽ വരുന്നതും ഒരാൾ വാഹനത്തിൽ നിന്ന് ഇറങ്ങി വന്ന് വർക്ക് സൈറ്റിനകത്ത് കയറുന്നതുമെല്ലാം ദൃശ്യങ്ങളിലുണ്ട്. കോതമംഗലം പോലീസ് സംഭവത്തെക്കുറിച്ച് അന്വേഷണം ആരംഭിച്ചു.