കോതമംഗലം : കോഴിയെ പിടികൂടാൻ ശ്രമിക്കുന്നതിനിടയിൽ കൂറ്റൻ പെരുമ്പാമ്പ് പിടിയിൽ. ഇന്ന് പുലർച്ചെ പരീക്കണ്ണിയിലാണ് സംഭവം.
പരീക്കണ്ണി, കൂറ്റം വേലിയിലെ വീട്ടിൽ നിന്ന് ഇന്ന് പുലർച്ചെയാണ് കൂറ്റൻ പെരുമ്പാമ്പിനെ പിടികൂടിയത്. കോഴിക്കൂടിനു മുകളിൽ കയറിയിരുന്ന കോഴിയെ പാമ്പ് പിടികൂടുന്നതിനിടെ കോഴികൾ ബഹളം വച്ചപ്പോഴാണ് വീട്ടുകാർ പാമ്പിനെ കണ്ടതു്.
ഉടനെ ഊന്നുകൽ പോലിസിൽ വി വരം അറിയിച്ചു. ഊന്നുകൽ സ്റ്റേഷനിലെ എസ്സ്.ഐ ഷാജു ഫിലിപ്പ്, ജോഷി എന്നിവർ ചേർന്ന് ആവോലിച്ചാലിൽ നിന്ന് പാമ്പുപിടുത്ത വിദഗ്ദ്ധൻ CK വർഗീസിനെ സ്ഥലത്ത് എത്തിക്കുകയായിരുന്നു.
ഇവരെത്തിയപ്പോഴേക്കും ഒരു കോഴിയെ കൊന്നതിനു ശേഷം പാമ്പ് അടുത്ത പറമ്പിലേക്കു ചാടി കാട്ടിനുള്ളിൽ പതുങ്ങി. ഏറെ നേരത്തെ പരിശ്രമത്തിനൊടുവിൽ വർഗീസും, ശിവൻ എന്ന അയൽ വാസയും ചേർന്ന് പാമ്പിനെ ചാക്കിലാക്കി. 12 അടി നീളവും 18 കിലോ തൂക്കവും ഉള്ള പാമ്പിനെ വനം വകുപ്പിന് കൈമാറി.
