കോതമംഗലം: കാരക്കുന്നം ഫാത്തിമമാതാ എല്പി സ്കൂള് പ്ലാറ്റിനം ജൂബിലി സമാപനം, അധ്യാപക – രക്ഷാകര്ത്തൃദിനം, യാത്രയയപ്പ് എന്നിവ കോതമംഗലം രൂപതാമെത്രാന് മാര്. ജോര്ജ് മഠത്തിക്കണ്ടത്തില് ഉദ്ഘാടനം ചെയ്തു. സ്കൂള് മാനേജര് ഫാ.ജോര്ജ് വള്ളോംകുന്നേല് അധ്യക്ഷത വഹിച്ചു.
കോതമംഗലം എംഎല്എ ആന്റണി ജോണ് മുഖ്യ പ്രഭാഷണം നടത്തി. കോതമംഗലം രൂപത വിദ്യാഭ്യാസ സെക്രട്ടറി ഫാ. ഷാജി മാത്യു യാത്രയയപ്പ് സന്ദേശം നടത്തി. മുന് മാനേജര് ഫാ.തോമസ് ജെ പറയിടം, കോതമംഗലം മുനിസിപ്പല് ചെയര്പേഴ്സണ് ഭാനുമതി രാജു,കോതമംഗലം മുനിസിപ്പല് വൈസ് ചെയര്മാന് പ്രിന്സ് വര്ക്കി,വാര്ഡ് കൗണ്സിലര് പ്രൊഫ.ആഷ്ലി ജോസഫ്, സിബി കണ്ണമ്പുഴ , ജിന്റോ സെബാസ്റ്റ്യന്, ഹെഡ്മാസ്റ്റര് വിന്സെന്റ് ജോസഫ്, സ്റ്റാഫ് സെക്രട്ടറി നിന്സി പി ജോളി എന്നിവര് പ്രസംഗിച്ചു.
