കോതമംഗലം: ഉരുൾപൊട്ടൽ ദുരിതം വിതച്ച വയനാട്ടിലെ ജനങ്ങളുടെ പുനരധിവാസത്തിന് ഫണ്ട് സ്വരൂപിക്കുന്നതിന് വേണ്ടി അടിവാട് ഹീറോ യംഗ്സ് ക്ലബ്ബ് & റീഡിംഗ് റൂമിൻ്റെ ഉടമസ്ഥതയിലുള്ള ബസ്സ് ഇന്ന് നടവ്വീസ് നടത്തുന്നു. ചാത്തമറ്റം – കോതമംഗലം – പെരുമ്പാവൂർ റൂട്ടിൽ സർവ്വീസ് നടത്തുന്ന ബസ്സിൻ്റെ ഇന്നത്തെ മുഴുവൻ കളക്ഷനും കൂടാതെ ക്ലബ്ബിൻ്റെ പ്രവർത്തകർ വിവിധ ബസ്സ് സ്റ്റാൻ്റുകളിലും ടൗണിലെ വ്യാപാര സ്ഥാപനങ്ങളിൽ കയറി ഇറങ്ങി നടത്തുന്ന ബക്കറ്റ് കളക്ഷനിൽ നിന്നും ലഭിക്കുന്ന തുകയും പുനരധിവാസ ദുരിതാശ്വാസ പ്രവർത്തനങ്ങൾക്ക് വിനിയോഗിക്കും എന്നും ക്ലബ്ബ് ഭാരവാഹികൾ പറഞ്ഞു.
ബസ്സ് സർവ്വീസിൻ്റെ ഫ്ലാഗ് ഓഫ് അടിവാട് കവലയിൽ പല്ലാരിമംഗലം ഗ്രാമ പഞ്ചായത്ത് പ്രസിഡൻ്റ് ശ്രീമതി. ഖദീജ മുഹമ്മദ് നിർവ്വഹിച്ചു. ക്ലബ്ബ് പ്രസിഡൻ്റ് ഹക്കീം മുഹമദ് അദ്ധ്യക്ഷത വഹിച്ച യോഗത്തിൽ രക്ഷാധികാരി കെ കെ അഷ്റഫ് സ്വാഗതവും വൈസ് പ്രസിഡൻ്റ് സി എം അഷ്റഫ് നന്ദിയും പറഞ്ഞു. കെ.കെ അബ്ദുൽ റഹ്മാൻ യഹ്ക്കൂബ് പി എ തുടങ്ങിയവർ ആശംസകൾ അറിയിച്ചു. കബീർ പി എം റമീസ് എം എസ്സ് തുടങ്ങിയവർ ബക്കറ്റ് കളക്ഷന് നേതൃത്വം നൽകി.
