കോതമംഗലം: കേരള പഞ്ചായത്ത് വാർത്ത ചാനൽ പുരസ്കാരോത്സവം 2025 സംസ്ഥാന സമഗ്ര തദേശ അവാർഡ് കോതമംഗലം ബ്ലോക്ക് പഞ്ചായത്ത് കരസ്ഥമാക്കി.സംസ്ഥാനത്തെ ഗ്രാമ – ബ്ലോക്ക് – ജില്ലാ പഞ്ചായത്തുകൾ, നഗര സഭകൾ നടപ്പിലാക്കുന്ന വിത്യസ്ഥങ്ങളായ പദ്ധതികൾ ഡോക്യുമെൻ്റേഷൻ നടത്തി അതിൽ ഏറ്റവും മികച്ച ജനപ്രിയ പദ്ധതികൾ നടത്തിയ തദ്ദേശസ്വയംഭരണ സ്ഥാപനങ്ങൾക്ക് ആണ് അവാർഡ് നൽകിയത് .മികച്ച കുടിവെള്ള പദ്ധതികൾ, സ്മാർട് അങ്കണവാടി, കളിസ്ഥലങ്ങൾ,കാർഷിക,ക്ഷീര മേഖലയിലെ പദ്ധതികൾ, ഗ്രാമീണ വികസന പദ്ധതികൾ, തുടങ്ങി എല്ലാ മേഖലയിലും നടത്തിയ പ്രവർത്തനങ്ങൾ പരിശോധിച്ച് അവ ഡോക്യുമെൻ്ററി ആയി ചിത്രീകരിച്ചാണ് അവാർഡിന് സമർപ്പിച്ചത് .
തൃശ്ശൂർ ടൗൺ ഹാളിൽ നടന്ന ചടങ്ങിൽ ഉന്നത വിദ്യാഭ്യാസ വകുപ്പ് മന്ത്രി ആർ ബിന്ദുവിൽ നിന്നും കോതമംഗലം ബ്ലോക്ക് പഞ്ചായത്ത് പ്രസിഡൻ്റ് പി.എ.എം ബഷീർ,വൈസ് പ്രസിഡൻ്റ് ഡയാന നോബി സ്ഥിരം സമിതി ചെയർമാൻമാരായ ജോമി തെക്കേക്കര, സാലി ഐപ്, ജെയിംസ് കോറമ്പേൽ ,ബ്ലോക്ക് പഞ്ചായത്ത് അംഗങ്ങളായ നിസമോൾ ഇസ്മായിൽ, റ്റി.കെ കുഞ്ഞുമോൻ, ആനിസ് ഫ്രാൻസിസ് എന്നിവർ ചേർന്ന് പുരസ്കാരം ഏറ്റുവാങ്ങി.
