കോതമംഗലം : ആന്റണി ജോൺ എം എൽ എ യുടെ വെളിച്ചം പദ്ധതിയുടെ ഭാഗമായി കീരമ്പാറ വെളിയേൽ ച്ചാൽ ജംഗ്ഷനിൽ ഹൈ മാസ്റ്റ് ലൈറ്റ് സ്ഥാപിച്ചു. മണ്ഡലത്തെ പ്രകാശ പൂരിതമാക്കുവാൻ വേണ്ടി 2016 മുതൽ എം എൽ എ നിയോജകമണ്ഡലത്തിൽ നടപ്പിലാക്കിയിട്ടുള്ള പദ്ധതിയാണ് വെളിച്ചം പദ്ധതി. ഇതിനോടകം തന്നെ പദ്ധതിയുടെ ഭാഗമായി നിയോജകമണ്ഡലത്തിലെ 8 പഞ്ചായത്തിലും നഗരസഭാ പരിധികളിലുമായി 100 കണക്കിന് കേന്ദ്രങ്ങളിൽ ലൈറ്റുകൾ സ്ഥാപിച്ചു കഴിഞ്ഞു. തുടർന്നും ആവശ്യമായ ഇടങ്ങളിൽ വെളിച്ചം പദ്ധതിയുടെ ഭാഗമായി ലൈറ്റുകൾ സ്ഥാപിക്കുമെന്നും ഉദ്ഘാടന വേളയിൽ എം എൽ എ പറഞ്ഞു. ലൈറ്റിന്റെ സ്വിച്ച് ഓൺ കർമ്മം ആന്റണി ജോൺ എം എൽ എ നിർവഹിച്ചു.ഗ്രാമ പഞ്ചായത്ത് പ്രസിഡന്റ്‌ ഗോപി എം പി അധ്യക്ഷത വഹിച്ചു.ജില്ലാ പഞ്ചായത്ത് അംഗം കെ കെ ദാനി,വെളിയേച്ചാൽ സെന്റ് ജോസഫ് ഹൈ സ്കൂൾ എച്ച് എം ഫാദർ ജേക്കബ് വടക്കുംപറമ്പിൽ,മുൻ പഞ്ചായത്ത് വൈസ് പ്രസിഡൻ്റ് ഷീബ ജോർജ്ജ്,പഞ്ചായത്ത് മെമ്പർമാരായ സാൻ്റി ജോസ് , ജിജോ ആൻറണി, രാഷ്ട്രീയപാർട്ടി പ്രതിനിധികളായ സാബു വർഗീസ് , എം എസ് ശശി,എം കെ കൊച്ചുകുറു ,ഇ പി രഘു , കെ.ഒ കുര്യാക്കോസ് എന്നിവർ സന്നിഹിതരായിരുന്നു.
