ഏബിൾ. സി. അലക്സ്
കോതമംഗലം : കേരളാ ഹൈക്കോടതി അഭിഭാഷകനും പ്രശസ്ത ചിത്രകാരനുമായ അഡ്വ. കെ പി വിൽസൺ സീറോ മലബാര് സഭ മേജര് ആര്ച്ച് ബിഷപ്പായിരുന്ന കര്ദിനാള് മാര് ജോര്ജ് ആലഞ്ചേരിക്ക് അദ്ദേഹത്തിന്റെ ഛായാ ചിത്രമാണ് ഈ വർഷത്തെ ക്രിസ്തുമസ് സമ്മാനമായി വരച്ച് നല്കിയിരിക്കുന്നത്.
പൗരോഹിത്യ സുവർണ്ണ ജൂബിലിയോടനുബന്ധിച്ച് തന്റെ സ്നേഹ സമ്മാനമായിട്ടാണ് അഡ്വ. വിൽസൺ ചിത്രം സമർപ്പിച്ചത്.വിദേശ നിർമ്മിതമായ വിൻസർ & ന്യൂട്ടർ കമ്പനിയുടെ കാൻവാസും നിറങ്ങളുമാണ് ചിത്രരചനക്കായി ഉപയോഗിച്ചിട്ടുള്ളത്.
ജോൺ പോൾ മാർപ്പാപ്പ, മാതാ അമൃതാനന്ദമയി, ഇഎംഎസ്, കോതമംഗലം എം. എ. കോളേജ് അസോസിയേഷൻ സ്ഥാപക സെക്രട്ടറി പ്രൊഫ. എം. പി. വറുഗീസ് ഉൾപ്പെടെ പലപ്രമുഖരുടേയും ഛായാചിത്രങ്ങൾ വരച്ചിട്ടുള്ള വിൽസൺ,മഹാത്മാഗാന്ധി സര്വകലാശാല യുവജനോത്സവത്തിലും,ദേശീയ സർവകലാശാല യുവജനോത്സവത്തിലും കലാപ്രതിഭാ പട്ടം നേടിയിട്ടുണ്ട്. ദേശീയ വനംവകുപ്പിന്റെ മരം ഒരു വരം എന്ന മുദ്രാവാക്യം എഴുതി ഇൻഡ്യൻ പ്രസിഡന്റിൽ നിന്നും അവാര്ഡ് നേടിയിട്ടുണ്ട്. കേരളത്തിലെ വിവിധ കോടതികളിലും,സംസ്ഥാനത്തിന് പുറത്തും പ്രാക്ടീസ് ചെയ്യുന്ന ഇദ്ദേഹം ഇൻഡ്യാ ഗവൺമെന്റിന്റെ അഡീഷണല് സ്റ്റാൻഡിംഗ് കൗണ്സിലും, ബിജെപി സംസ്ഥാന കൗണ്സില് അംഗവും ആണ്. കോതമംഗലം കുത്തുകുഴി സ്വദേശിയാണ്. ഭാര്യ എലിസബത്ത് മക്കള് വിബിൻ, വിന്നി.
