നെല്ലിക്കുഴി: ചെറുവട്ടൂരില് നബിദിന റാലിക്കിടയിലേക്ക് വിരണ്ടോടിയ പോത്തിന്റെ ആക്രമണത്തില് മദ്രസ വിദ്യാര്ത്ഥികള് ഉള്പ്പെടെ 5പേര്ക്ക് പരിക്കേറ്റു. ചെറുവട്ടൂര് കോട്ടെപീടിക നൂറുല് ഇസ്ലാം മദ്രസയ്ക്ക് സമീപം ഇന്ന് രാവിലെയായിരുന്നു സംഭവം. നബിദിന റാലിയില് പങ്കെടുക്കാനെത്തിയ സ്ത്രീകള്ക്കും കുട്ടികള്ക്കുമിടയിലേക്കാണ് പോത്ത് വിരണ്ടോടിയെത്തിയത്. അക്രമാസക്തമായുള്ള പോത്തിന്റെ വരവുകണ്ട മദ്രസാ വിദ്യാര്ത്ഥികളടക്കം ചിതറിയോടി. പോത്തിന്റെ ആക്രമണത്തില് ഒരു സ്ത്രീക്ക് ഗുരുതരമായും മദ്രസാ വിദ്യാര്ത്ഥികള്ക്ക് നിസാരമായും പരിക്കേറ്റു. പോത്തിനെ ഉടന്തന്നെ പിടിച്ചുകെട്ടിയതിനാല് വന്അപകടം ഒഴിവായി.
