മോ​ഫി​യ പ​ര്‍​വീ​ണ്‍ ജീവനൊടുക്കിയ സംഭവത്തിൽ നെല്ലിക്കുഴി സ്വദേശിയായ ഭ​ര്‍​ത്താ​വ് ഒ​ന്നാം പ്ര​തി.

കോതമംഗലം : ഗാ​ര്‍​ഹി​ക പീ​ഡ​ന​ത്തെ തു​ട​ര്‍​ന്ന് ആ​ലു​വ​യി​ല്‍ മോ​ഫി​യ പ​ര്‍​വീ​ണ്‍ ജീ​വ​നൊ​ടു​ക്കി​യ സം​ഭ​വ​ത്തി​ല്‍ ക്രൈം​ബ്രാ​ഞ്ച് കു​റ്റ​പ​ത്രം സ​മ​ര്‍​പ്പി​ച്ചു. മോ​ഫി​യ​യു​ടെ ഭ​ര്‍​ത്താ​വ് സു​ഹൈ​ലാ​ണ് കേ​സി​ലെ ഒ​ന്നാം പ്ര​തി. ര​ണ്ടും മൂ​ന്നും പ്ര​തി​ക​ള്‍ സു​ഹൈ​ലി​ന്റെ മാ​താ​പി​താ​ക്ക​ളാ​ണ്. ഗാ​ര്‍​ഹി​ക പീ​ഡ​ന​വും സ്ത്രീ​ധ​ന​ത്തി​ന്‍റെ പേ​രി​ലു​ള്ള പീ​ഡ​ന​ങ്ങ​ളും മോ​ഫി​യ​ക്ക് നേ​രി​ടേ​ണ്ടി വ​ന്നു​വെ​ന്നും ഇ​തു​ണ്ടാ​ക്കി​യ ക​ടു​ത്ത മാ​ന​സി​ക സം​ഘ​ര്‍​ഷ​മാ​ണ് യു​വ​തി​യെ ആ​ത്മ​ഹ​ത്യ​യി​ലേ​ക്ക് ന​യി​ച്ച​തെ​ന്നും കു​റ്റ​പ​ത്ര​ത്തി​ലു​ണ്ട്. സ്ത്രീ​ധ​ന​ത്തി​ന്‍റെ പേ​രി​ല്‍ മോ​ഫി​യ​യെ സു​ഹൈ​ല്‍ പ​ല​ത​വ​ണ പീ​ഡി​പ്പി​ച്ചു​വെ​ന്നും യു​വ​തി​ക്ക് കൊ​ടി​യ പീ​ഡ​ന​ങ്ങ​ളാ​ണ് ഏ​ല്‍​ക്കേ​ണ്ടി വ​ന്ന​തെ​ന്നും കു​റ്റ​പ​ത്ര​ത്തി​ല്‍ വ്യ​ക്ത​മാ​ക്കു​ന്നു. പ​ണം ചോ​ദി​ച്ച് പ​ല ത​വ​ണ മ​ര്‍​ദ്ദ​ന​മേ​ല്‍​ക്കേ​ണ്ടി വ​ന്നി​ട്ടു​ണ്ടെ​ന്നും കു​റ്റ​പ​ത്ര​ത്തി​ലു​ണ്ട്.

മോ​ഫി​യ​യെ ഏ​ക​ദേ​ശം മൂ​ന്ന് മാ​സ​ത്തോ​ളം ഭ​ര്‍​ത്താ​വി​ന്‍റെ കോ​ത​മം​ഗ​ലം നെല്ലിക്കുഴിയിലുള്ള വീ​ട്ടി​ല്‍ വെ​ച്ച് സ്ത്രീ​ധ​ന​ത്തി​ന്‍റെ പേ​രി​ല്‍ അ​ടി​മ​പ്പ​ണി ചെ​യ്യി​ച്ചു. പ​ല ത​വ​ണ ഭ​ര്‍​ത്താ​വ് മോ​ഫി​യ​യെ ലൈം​ഗി​ക വൈ​കൃ​ത​ങ്ങ​ള്‍​ക്ക് ഇ​ര​യാ​ക്കി​യെ​ന്നും പോ​ലീ​സ് കു​റ്റ​പ​ത്ര​ത്തി​ല്‍ പ​റ​യു​ന്നു. മോഫിയയെ സുഹൈൽ നിരന്തരം മർദിച്ചിരുന്നുവെന്നും ഈ മർദനമാണ് മോഫിയയുടെ ആത്മഹത്യ വരെ എത്തിച്ചതെന്നുമാണ് പൊലീസ് കണ്ടെത്തൽ. സുഹൈലിന്റെ അമ്മയും മോഹിയയെ നിരന്തരം മർദിച്ചുവെന്നാണ് കുറ്റപത്രം പിതാവ് യൂസഫ് മർദനത്തിന് കൂട്ടുനിന്നു ആലുവ ജുഡീഷ്യൽ ഫസ്റ്റ് ക്ലാസ് മജിസ്ട്രേറ്റ് കോടതിയിലാണ് കുറ്റപത്രം സമർപ്പിച്ചത്.

അന്വേഷണ ഉദ്യോഗസ്ഥനായ എറണാകുളം റൂറൽ ക്രൈംബ്രാഞ്ച് ഡിവൈഎസ്പി രാജീവ് ആണ് കുറ്റപത്രം സമർപ്പിച്ചത്. നിലവിൽ സുഹൈൽ ജയിലിലാണ്. സുഹൈലിന്റെ മാതാപിതാക്കൾക്ക് ഹൈക്കോടതി ജാമ്യം അനുവദിച്ചിരുന്നു. 21നാണ് സുഹൈലിന്റെ ജാമ്യാപേക്ഷ കോടതി വീണ്ടും പരിഗണിക്കുന്നത്. ഇതിന് മുമ്പ് കുറ്റപത്രം സമർപ്പിച്ചതോടെ കേസിൽ നടപടിക്രമങ്ങൾ വേഗത്തിലാക്കുകയാണ് പൊലീസിന്റെ ലക്ഷ്യം.