കോതമംഗലം: കൊച്ചി-ധനുഷ്കോടി ദേശീയപാതയിൽ നേര്യമംഗലം വില്ലാൻചിറയിൽ നിയന്ത്രണം വിട്ട ട്രാക്ടർ കാറിലിടിച്ച് മറിഞ്ഞ് രണ്ട് ഇതര സംസ്ഥാന തൊഴിലാളികൾ മരിച്ചു. ഉത്തർപ്രദേശ് ഗുർപൂർ സ്വദേശി പ്രദീപ് കുമാർ (22), ഗയരാബാദ് സ്വദേശി സത്യം കനൂജിയ (24) എന്നിവരാണ് മരിച്ചത്.
കൊച്ചി- ധനുഷ്കോടി ദേശീയപാതയുടെ നിർമാണ കരാർ എടുത്തിരിക്കുന്ന കരാർ കമ്പനിയുടെ തൊഴിലാളികളാണ് ഇരുവരും. നേര്യമംഗലത്ത് നിന്ന് തലക്കോട് ഭാഗത്തേക്ക് വരികയായിരുന്ന കമ്പ്രസർ ട്രാക്ടർ നിയന്ത്രണം വിട്ട് എതിരെ വന്ന കാറിലിടിച്ച് മറിയുകയായിരുന്നു. മറിഞ്ഞ ട്രാക്ടറിനടിയിൽ കുടുങ്ങിയ ഇരുവരെയും അഗ്നി രക്ഷാസേനയും നാട്ടുകാരും ചേർന്നാണ് പുറത്തെടുത്തത്. മൃതദേഹങ്ങൾ കോതമംഗലത്തെ ആശുപത്രി മോർച്ചറിയിൽ
